QuickLY
Socially
आज चैत्र महिन्यातील शुल्क नवमी. आजच्या दिवशी प्रभु रामाचा जन्म झाला. त्यामुळे ही राम नवमी (Ram Navami). आजचा दिवस भारतभर अगदी उत्साहात साजरा केला जातो. राम नवमी निमित्त मुख्यमंत्री उद्धव ठाकरे (CM Uddhav Thackeray) यांनी आरोग्यदायी शुभेच्छा दिल्या आहेत. मुख्यमंत्र्यांसोबत उपमुख्यमंत्री अजित पवार (Ajit Pawar), आरोग्यमंत्री राजेश टोपे (Rajesh Tope), गृहमंत्री दिलीप वळसे-पाटील (Dilip Walse Patil), एनसीपी अध्यक्ष शरद पवार (Sharad Pawar) यांनी ट्विटच्या माध्यमातून राम नवमीच्या शुभेच्छा दिल्या आहेत.
मुख्यमंत्र्यांनी ट्विटमध्ये म्हटले की, "प्रभू श्रीरामांचा जन्मोत्सव रामनवमीच्या हार्दिक शुभेच्छा. सर्वांच्या आयुष्यात आरोग्यदायी आणि सुखी, संपन्न श्रीराम प्रहर कायम रहावा, अशी प्रभू चरणी प्रार्थना करूया... जय श्री राम!"
मुख्यमंत्री उद्धव ठाकरे:
प्रभू श्रीरामांचा जन्मोत्सव रामनवमीच्या हार्दिक शुभेच्छा. सर्वांच्या आयुष्यात आरोग्यदायी आणि सुखी, संपन्न श्रीराम प्रहर कायम रहावा, अशी प्रभू चरणी प्रार्थना करूया... जय श्री राम!
— Office of Uddhav Thackeray (@OfficeofUT) April 21, 2021
उपमुख्यमंत्री अजित पवार:
सर्वांना 'श्रीराम नवमी'च्या हार्दिक शुभेच्छा! प्रभू श्रीरामचंद्रांनी त्यांच्या जीवनातून जगण्याचा आदर्श निर्माण केला. धैर्य, शौर्य, स्नेह, त्याग, संयम, कर्तव्यनिष्ठेचं महत्त्व दाखवून दिलं. प्रभू श्रीरामांना भावपूर्ण वंदन!#RamNavami pic.twitter.com/faKeQOl0iQ
— Ajit Pawar (@AjitPawarSpeaks) April 21, 2021
आरोग्यमंत्री राजेश टोपे:
जगावरील कोरोनाचे संकट अजून टळलेले नाही. आपण नियमांच्या मर्यादा पाळून साधेपणाने सण साजरा करूया आणि सार्‍या जगात हाहाकार माजवणार्‍या कोरोनारूपी रावणाचे समूळ उच्चाटन करूया.
सर्वांना श्रीरामनवमीच्या मंगलमय शुभेच्छा!#RamNavami pic.twitter.com/FcHKDkEU6R
— Rajesh Tope (@rajeshtope11) April 21, 2021
गृहमंत्री दिलीप वळसे-पाटील:
जगावरील कोरोनाचे संकट अजून टळलेले नाही. आपण नियमांच्या मर्यादा पाळून साधेपणाने सण साजरा करूया आणि सार्‍या जगात हाहाकार माजवणार्‍या कोरोनारूपी रावणाचे समूळ उच्चाटन करूया.
सर्वांना श्रीरामनवमीच्या मंगलमय शुभेच्छा!#RamNavami pic.twitter.com/PgFpnYtPpt
— Dilip Walse Patil (@Dwalsepatil) April 21, 2021
एनसीपी अध्यक्ष शरद पवार:
श्रीरामांच्या दिव्यकथांचे महाकाव्य रचून वाल्मिकींनी नैतिक मूल्यव्यवस्था उभारली. रामायण हे भक्तिमार्गातले घटित आजही लोकांच्या मनावर गारुड करून आहे. आदर्शांच्या निर्मळ, निष्कलंक, धवल पार्श्वपटलावर मानवी भावनांचे आंदोलन रामकथेने अजरामर केले.
रामनवमीच्या सर्वांना मनपूर्वक शुभेच्छा! pic.twitter.com/siWlp7wYUo
— Sharad Pawar (@PawarSpeaks) April 21, 2021
(हे ही वाचा: Ram Navami 2021: राम नवमी निमित्त पंतप्रधान नरेंद्र मोदी यांच्यासह मान्यवरांनी दिल्या शुभेच्छा!)
रामनवमी निमित्त सर्व नेत्यांनी प्रभू रामाला वंदन करत सध्या देशासह राज्यावर घोंघावत असलेल्या कोविड-19 संकटावर मात करण्याची सदिच्छा व्यक्त केली आहे.
