मुंबई: कोकणकन्या एक्सप्रेसच्या इंजिनात बिघाड झाल्याने मुंबई लोकल वाहतूक विस्कळीत, मध्य रेल्वेची वाहतूक 10 ते 15 उशिराने

मडगाव-सीएसएमटी कोकणकन्या एक्सप्रेसच्या (Konkan Kanya Express) इंजिनात अचानक बिघाड झाल्याने छत्रपती शिवाजी टर्मिनसकडे (CSMT) येणारी ही गाडी जागीच अडकून पडली असून त्याचा फटका मध्य रेल्वेला (Central Railway) बसला आहे. मध्य रेल्वेच्या सीएसएमटी ते मस्जिद स्थानंकादरम्यान जलद मार्गावरील लोकल गाड्या खोळंबल्या आहेत. ऐन गर्दीच्या वेळी मध्य रेल्वेचे तीनतेरा वाजल्याने नोकरीवर जाणा-या चाकरमानी रुळांवरुन चालत जाऊन स्टेशन गाठताना दिसत आहे. कोकणकन्या एक्सप्रेस बंद पडल्याने मध्य रेल्वेची अप मार्गांवरील वाहतूक 10 ते 15 मिनिटे उशिराने धावत आहेत.

मध्य रेल्वेच्या रोज काही ना काही समस्या उद्भवत असतात. यातच आज सकाळी मडगाव वरुन सीएसएमटीला येणारी कोकणकन्या एक्सप्रेसच्या इंजिनात बिघाड झाल्याने ती जागीच अडकून पडली असून त्याचा परिणाम मध्य रेल्वेच्या वाहतुकीवर झाला आहे. ज्याचा परिणाम म्हणून मध्य रेल्वेची वाहतूक ही 10 ते 15 मिनिटे उशिराने धावत आहे.

इंजिनातील बिघाड दुरुस्त होण्यासाठी आणखी काही वेळ लागणार असल्यानं अप जलद मार्गावरील लोकल उशिरानं धावणार आहेत. समस्यांचे माहेरघर झालेल्या मध्य रेल्वेला आज कोकणकन्या एक्सप्रेसमुळे पुन्हा एकदा समस्येला सामोर जावे लागत आहे. यामुळे मध्य रेल्वेच्या प्रवाशांना नाहक त्रास सहन करावा लागत आहे. नोकरीवर जाणा-या चाकरमान्यांनी ऐन गर्दीच्या वेळी ही समस्या निर्माण झाल्याने बराच त्रास सहन करावा लागत आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)