Shani Shingnapur Temple: शनि शिंगणापूरमध्ये आजपासून शनिदेवाच्या शिळेवर अर्पण करण्यात येणार ब्रँडेड तेल; काय आहे यामागचे कारण? जाणून घ्या

Shani Shingnapur Temple: आजपासून शनि शिंगणापूर (Shani Shingnapur) येथील शनिदेवाच्या शिळेवर ब्रँडेड तेल (Branded Edible Oil) अर्पण केले जाणार आहे. शनिदेवाच्या शिळेचे रक्षण करण्यासाठी, मंदिर ट्रस्टने ब्रँडेड तेल अर्पण करण्याचा निर्णय घेतला आहे. ब्रँडेड तेल म्हणजे असे तेल जे सरकारने मान्यता दिलेले खाद्यतेल किंवा ज्या तेलाच्या बाटलीवर त्यात असलेल्या सर्व घटकांची माहिती तेलाच्या लिहिलेली असते.

शनिदेवाच्या शिळेवर ब्रँडेड तेल अर्पण करण्याचा निर्णय का घेण्यात आला?

अलिकडच्या काळात शनिदेवतेचे दर्शन घेण्यासाठी भाविकांच्या संख्येत वाढ झाल्याने, शनि शिंगणापूरमध्ये नॉन-ब्रँडेड तेलाचे वितरण वाढले होते. नॉन-ब्रँडेड तेलात असलेल्या रसायनांच्या प्रमाणामुळे शनिदेवाच्या शिळेला नुकसान होण्याची भीती होती. या कारणास्तव, मंदिर ट्रस्ट आणि ग्रामसभेने संयुक्तपणे देवतेच्या मूर्तीवर फक्त ब्रँडेड तेलच अर्पण करण्याचा निर्णय घेतला. राज्यभरातील अनेक भक्त शनि-शिंगणापूरला भेट देत असतात. त्यामुळे भक्त दररोज शनिदेवाच्या शिळेवर शेकडो लिटर तेल अर्पण करतात. (हेही वाचा - Sanatan Temple Board: मुस्लिम वक्फ बोर्डाच्या धर्तीवर सनातन मंदिर मंडळाची निर्मिती करण्याची मागणी; एक हजार हिंदू मंदिरांचे विश्वस्त आणि प्रतिनिधी शिर्डीमध्ये येणार एकत्र)

ब्रँडेड खाद्यतेलच वापरण्यास परवानगी-

शनि शिंगणापूरमध्ये शनिदेवाच्या शिळेला तेलाने अभिषेक करण्याची परंपरा जवळजवळ 400 वर्षांपासून सुरू आहे. शनिदेवाचा आशीर्वाद घेण्यासाठी भाविक दूरदूरून तेल अर्पण करण्यासाठी शिंगणापूरला येत असतात. तथापि, कालांतराने विविध प्रकारच्या तेलांच्या वापरामुळे मूर्तीच्या संरचनेवर प्रतिकूल परिणाम होण्याची शक्यता वाढली होती. त्यामुळे, मंदिर ट्रस्ट आणि ग्रामसभेने संयुक्तपणे ब्रँडेड तेल वापरण्याचा निर्णय घेतला. त्यामुळे आता शिंगणापूरमध्ये शनिदेवाचा अभिषेक करण्यासाठी फक्त ब्रँडेड खाद्यतेलच वापरण्यास परवानगी असणार आहे. (हेही वाचा: RSS Chief Mohan Bhagwat: 'राम मंदिर बांधले म्हणजे कोणी हिंदूंचा नेता होत नाही'; मोहन भागवत का संतापले?)

या महत्त्वपूर्ण निर्णयामुळे शनिदेवतेच्या शिळेची दीर्घकालीन सुरक्षितता सुनिश्चित होणार आहे. जर भाविकांनी आणलेल्या तेलाच्या गुणवत्तेवर शंका असेल तर ते स्वीकारले जाणार नाही किंवा ते भारतीय अन्न सुरक्षा आणि मानक प्राधिकरण (FSSAI) कडून चाचणीसाठी पाठवले जाणार आहे. स्थानिक दुकानदारांनी या निर्णयाचे स्वागत केले आहे. त्यांचा असा विश्वास आहे की, देवाची सेवा ही सर्वोच्च आहे आणि जर आपण आपल्या सेवनासाठी शुद्ध तेल वापरत असू तर देवाच्या अभिषेकासाठी देखील शुद्ध तेल वापरणे योग्य आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)