Phone Tapping Case: फोन टॅपिंग प्रकरणी IPS Officer Rashmi Shukla यांना मोठा दिलासा; बॉम्बे हायकोर्टाने रद्द केला त्यांच्या विरोधातील FIR

Phone Tapping Case: मुंबई उच्च न्यायालयाने (Bombay High Court) शुक्रवारी बेकायदेशीर फोन टॅपिंग प्रकरणी (Phone Tapping Case) आयपीएस अधिकारी रश्मी शुक्ला (Rashmi Shukla) यांच्याविरुद्धचे दोन एफआयआर रद्द केले आहेत. याआधी पोलिसांनी पुण्यातील प्रकरणासंदर्भात नोंदवलेल्या एफआयआरमध्ये क्लोजर रिपोर्ट दाखल केला होता. मुंबईतील कुलाबा येथे नोंदवलेल्या एका एफआयआरमध्ये या अधिकाऱ्यावर खटला चालवण्याची परवानगी देण्यास सक्षम अधिकाऱ्याने आता नकार दिला आहे.

भारतीय टेलिग्राफ कायद्याच्या कलम 26 अंतर्गत फेब्रुवारी 2022 मध्ये पुण्यातील बंडगार्डन पोलिस स्टेशनमध्ये शुक्लाविरुद्ध गुन्हा दाखल करण्यात आला होता. त्यावेळी महाराष्ट्रात शिवसेना-राष्ट्रवादी-काँग्रेसची महाविकास आघाडीची सत्ता होती. शुक्ला या पुण्याचे पोलीस आयुक्त असताना काँग्रेस नेते नाना पटोले यांचे फोन बेकायदेशीरपणे टॅप करण्यात आल्याचा आरोप भाजपच्या नेतृत्वाखालील सरकारच्या काळात झाला होता. (हेही वाचा -Devendra Fadnavis: देवेंद्र फडणवीस निवडणूक शपथपत्र प्रकरणात दोषमुक्त, कारण घ्या जाणून)

रश्मी शुक्ला सध्या हैदराबादमध्ये केंद्रीय राखीव पोलीस दलाच्या (CRPF) अतिरिक्त महासंचालक म्हणून केंद्रीय प्रतिनियुक्तीवर आहेत. यापूर्वीच्या सेनेच्या नेतृत्वाखालील सरकारनेही तिच्यावर राज्य गुप्तचर विभागाच्या प्रमुखपदी असताना उच्च अधिकाऱ्यांची दिशाभूल करून अधिकारी आणि राजकारण्यांचे फोन बेकायदेशीरपणे टॅप केल्याचा आरोप केला होता.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)