Crime: मालमत्तेच्या वादातून जन्मदात्या आईची हत्या करून मुलाचाही आत्महत्येचा प्रयत्न

मुंबईतील मुलुंड (Mulund) परिसरात एका 21 वर्षीय तरुणाने आपल्या 46 वर्षीय आईची गळा चिरून हत्या (Murder) केली आहे. यानंतर त्याने ट्रेनसमोर उडी मारून आत्महत्या (Suicide) करण्याचा प्रयत्न केला. वृत्तानुसार, मालमत्तेच्या मुद्द्यावरून तो माणूस नैराश्यात होता आणि त्याने आपल्या आईला मारण्यासाठी घरात धारदार शस्त्राचा वापर केला. आरोपी जयेश पांचाळ याने मुलुंड रेल्वे स्थानकावर (Mulund railway station) लोकल ट्रेनसमोर उडी मारून आत्महत्येचा प्रयत्न केला तेव्हा सतर्क सरकारी रेल्वे पोलिस (GRP) अधिकाऱ्याने त्याला वाचवले. मुलुंड पोलिसांना (Mulund Police) तो रेल्वे स्टेशनवर जखमी अवस्थेत सापडला आणि उपचारासाठी जेजे रुग्णालयात दाखल झाला.

एका अधिकाऱ्याने सांगितले की, ही घटना मुलुंडच्या वसंत नगर भागात घडली.  जयेशचे वडील फार्मास्युटिकल उत्पादक आहेत. कुटुंबात मालमत्तेचा काही वाद असल्याने गेल्या काही दिवसांपासून सतत भांडणे होत होती. एका गृहनिर्माण संस्थेतील पांचाळांच्या शेजाऱ्यांनी त्यांच्या फ्लॅटबाहेर रक्ताचे डाग पाहिले आणि पोलिसांना सूचना दिल्याने ही घटना उघडकीस आली. जेव्हा पोलिस कर्मचारी फ्लॅटमध्ये गेले तेव्हा त्यांना एक महिला दिसली. हेही वाचा Bjp Mla Prasad Lad: भाजप आमदार प्रसाद लाड यांच्या घराबाहेर सापडल्या सोने-चांदी, देवांच्या मूर्ती; पैशांनी भरलेल्या बॅगचाही समावेश

जिचे नाव छाया महेश पांचाळ असे होते, ती रक्ताच्या थारोळ्यात पडलेली होती, असे एका पोलिस अधिकाऱ्याने सांगितले. पोलिसांना गुजराती भाषेत लिहिलेली चिठ्ठी आणि चाकूही सापडला. पोलिसांनी नंतर मृत महिलेच्या पतीला बोलावले. त्याने नोटचे भाषांतर केले आणि सांगितले की त्याच्या मुलाने हा गुन्हा केला आहे. कारण तो काही मालमत्तेच्या मुद्द्यावरून नैराश्यात होता, अधिकाऱ्याने सांगितले. आरोपीला रुग्णालयात दाखल करण्यात आले आणि भारतीय दंड संहिता (IPC) च्या कलम 302 (हत्यासाठी शिक्षा) अंतर्गत गुन्हा दाखल करण्यात आला.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)