Mumbai: बलात्कारामुळे जन्मलेल्या मुलाची नुकसान भरपाई करणार आरोपी, मुंबई उच्च न्यायालयाचा निर्णय

महाराष्ट्रातील बलात्काराच्या (Rape) एका प्रकरणात आज मुंबई उच्च न्यायालयाने (Mumbai High Court) मोठा निर्णय दिला आहे. अल्पवयीन मुलीवर बलात्कार करणाऱ्या आरोपीची जन्मठेपेची शिक्षा 10 वर्षांपर्यंत कमी करण्याचा निर्णय न्यायालयाने दिला आहे. बलात्कारामुळे जन्मलेले मूलही गुन्ह्याचे बळी ठरले आहे, त्यामुळे त्यालाही भरपाई मिळावी, असेही न्यायालयाने म्हटले आहे. मुंबई उच्च न्यायालयाने बलात्काराच्या दोषीला पीडितेच्या मुलाला 2 लाख रुपये भरपाई देण्याचे आदेश दिले. उच्च न्यायालयाच्या न्यायमूर्ती साधना जाधव आणि न्यायमूर्ती पृथ्वीराज चव्हाण यांच्या खंडपीठाने मुलाला नुकसान भरपाई देण्याचा आदेश दिला. प्रसूतीनंतर बलात्कार पीडितेचा मृत्यू झाल्यानंतर दोषी आणि पीडित कुटुंब दोघांनीही मुलाला सोडून दिल्याची माहिती न्यायालयाला देण्यात आली.

यामुळे मुलाचे पालनपोषण अनाथाश्रमात होत आहे. ही बाब लक्षात आल्यानंतर न्यायालयाने मुलाला भरपाई देण्याचे आदेश दिले. मुंबई उच्च न्यायालयाने खार येथील रहिवासी रमेश वावेकर यांना मुलाच्या कल्याणासाठी दोन लाख रुपये देण्याचे निर्देश दिले. खंडपीठाने म्हटले की, कायदा एखाद्या निष्पाप मुलाला पीडित स्थितीत सोडू शकत नाही. त्यामुळे त्याला दोषींच्या ​​वतीने 2 लाख रुपये नुकसान भरपाई देण्यात यावी. हेही वाचा Mumbai: सीमाशुल्क विभागाकडून 56 कोटी किमतीच्या आठ किलो हेरॉईनची तस्करी करणाऱ्या दक्षिण आफ्रिकन नागरिकाला अटक

बातम्यांनुसार, रमेशवर 2015 मध्ये सांताक्रूझ पोलिस स्टेशनमध्ये POCSO कायद्याअंतर्गत गुन्हा दाखल करण्यात आला होता. त्यावेळी बलात्कार पीडित अल्पवयीन मुलगी 8 महिन्यांची गर्भवती होती. तिने 8 ऑक्टोबर 2015 रोजी एका मुलाला जन्म दिला. याप्रकरणी शनिवारी मुंबई उच्च न्यायालयाने मोठा निर्णय दिला.  बलात्कारामुळे जन्माला आलेले मूलही गुन्ह्याची शिकार आहे, त्यालाही भरपाई मिळावी, असे न्यायालयाने म्हटले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)