Maratha Reservation Row: जालन्यातील दगडफेकीप्रकरणी 4 जणांना अटक; शस्त्रे आणि दारूगोळा जप्त
violence on Maratha reservation in Jalna (PC - ANI Twitter)

Maratha Reservation Row: जालना (Jalna) येथे मराठा आरक्षण आंदोलनादरम्यान (Maratha Reservation) झालेल्या दगडफेकीप्रकरणी पोलिसांनी चौघांना अटक केली आहे. मराठा समाजाला (Maratha Community) आरक्षण मिळावे या मागणीसाठी कार्यकर्ते मनोज जरंगे-पाटील (Manoj Jarange-Patil) यांनी सप्टेंबरमध्ये जालना जिल्ह्यातील अंतरवाडी सराटी येथे उपोषण केल्याने हिंसाचार झाला होता.

गुन्हे शाखेने बीड येथे आरोपींच्या शोधात काळ्या रंगाच्या 4X4 क्रमांकाच्या स्कॉर्पिओमधील चार संशयितांना ताब्यात घेतले. मुख्य आरोपी ऋषिकेश बेद्रे (40) याच्या ताब्यात पोलिसांना एक पिस्तूल आणि दोन जिवंत काडतुसे सापडली आहेत. (हेही वाचा -Maratha Reservation: जालन्यात मराठा आरक्षणावरून हिंसाचार केल्याप्रकरणी 360 हून अधिक जणांवर गुन्हा दाखल)

बेद्रे याच्याविरुद्ध 24 नोव्हेंबर रोजी अंबड पोलिस ठाण्यात शस्त्र कायदा कलम 3 (परवाना नसताना शस्त्र बाळगणे) आणि 25 (प्रतिबंधित शस्त्रे बाळगणे) अन्वये गुन्हा दाखल करण्यात आला. शनिदेव शिरसाट (22), कैलास सुरवसे (41) आणि नीलेश राठोड (42) अशी आरोपींची नावे आहेत.

सूत्रांनी दिलेल्या माहितीनुसार, या चौघांचा गुन्हेगारी कारवायांचा इतिहास असून गोंदी पोलिस ठाण्यात दाखल असलेल्या गुन्ह्यांमध्ये त्यांचा सहभाग आहे. बेद्रे यांच्याकडे यापूर्वी अनेक घटनांची नोंद आहे. आरोपींवर सार्वजनिक मालमत्तेचे नुकसान प्रतिबंधक कायद्यासह विविध कलमान्वये गुन्हा दाखल करण्यात आला आहे.