Earthquake Update: महाराष्ट्रापासून जम्मू-काश्मीरपर्यंत जाणवले 3.9 रिश्टर स्केलचे भूकंपाचे धक्के

महाराष्ट्रापासून जम्मू-काश्मीरपर्यंत देशात भूकंपाचे धक्के (Earthquakes) जाणवले आहेत. त्याचवेळी अफगाणिस्तानातील (Afghanistan) काबूलमध्ये पृथ्वी हादरली. नॅशनल सेंटर फॉर सिस्मॉलॉजीनुसार (National Center for Seismology), महाराष्ट्रात भूकंपाची तीव्रता 3.9 रिश्टर स्केल (Richter scale) आणि काश्मीरमध्ये 3.4 इतकी होती. जम्मू-काश्मीरमध्ये आज पहाटे भूकंपाचे धक्के जाणवले. कटरापासून 62 किमी अंतरावर ईशान्य-उत्तर भागात भूकंपाचे धक्के जाणवले. कोल्हापूरपासून पूर्वेला 171 किमी अंतरावर महाराष्ट्रात दुपारी 2:21 वाजता 3.9 तीव्रतेचा भूकंप झाला. भूकंपाचा प्रभाव जमिनीच्या 10 किलोमीटर खाली होता.

काश्मीरमध्ये पहाटे 3:28 वाजता भूकंपाचे धक्के जाणवले, जिथे भूकंपाची खोली जमिनीच्या खाली पाच किलोमीटरपर्यंत होती. त्याचवेळी अफगाणिस्तानच्या काबुलमध्ये दुपारी 2:55 वाजता 4.3 तीव्रतेचा भूकंप झाला. येथे भूकंपाचा प्रभाव जमिनीच्या खाली 80 किमी खोलीवर होता. हेही वाचा Winter Session 2022: राज्याचे हिवाळी अधिवेशन 19 डिसेंबरपासून नागपुरात होणार

गेल्या तीन दिवसांत जम्मू-काश्मीरमध्ये 10 वेळा भूकंपाचे धक्के जाणवले आहेत.  बुधवारी रात्रीही जम्मू-काश्मीरमध्ये तासाभरात दोनदा पृथ्वी हादरली. बुधवारी रात्री 11:04 वाजता खोऱ्यात पहिला भूकंप झाला, त्याची तीव्रता 3.2 रिश्टर स्केल इतकी होती. दुसरा भूकंप रात्री 11:52 वाजता 4.1 रिश्टर स्केलचा होता.

मंगळवारी सात वेळा भूकंप झाला. यापैकी तीन भूकंपांचा केंद्रबिंदू उधमपूर, तीन डोडा आणि एक किश्तवाड होता. रिश्टर स्केलवर भूकंपाची तीव्रता 2.6 ते 3.9 इतकी मोजली गेली. रिश्टर स्केलवर भूकंपाची तीव्रता जास्त नसल्यामुळे खोऱ्यात कोणतेही नुकसान झालेले नाही. सध्या या ठिकाणच्या भूकंपामुळे उद्भवलेल्या परिस्थितीबाबत अधिक अपडेट्स येणे बाकी आहे.

(The above story first appeared on LatestLY on Aug 26, 2022 09:45 AM IST. For more news and updates on politics, world, sports, entertainment and lifestyle, log on to our website latestly.com).