COVID-19 Cases in Maharashtra: मुंबई, पुणे, नाशिक, रत्नागिरीसह तुम्ही राहत असलेल्या जिल्ह्यात किती आहेत कोरोनाचे रुग्ण?

महाराष्ट्रात कोरोना व्हायरसचा (Coronavirus) फैलाव रोखण्यासाठी शासन सर्वोतोपरी प्रयत्न करत आहे. महाराष्ट्र आरोग्य मंत्रालयाने (Maharashtra Health Department) दिलेल्या अपडेट्सनुसार, काल (28 ऑगस्ट) दिवसभरात राज्यात 14,361 नवे कोरोना संक्रमित रुग्ण आढळून आले असून 331 जणांचा मृत्यू झाल्याची माहिती मिळत आहे. यामुळे महाराष्ट्रात (Maharashtra) कोरोना बाधितांची एकूण संख्या 7 लाख 47 हजार 995 इतकी झाली आहे. तर मृतांचा एकूण आकडा 23 हजार 775 वर पोहोचला आहे. सद्य घडीला राज्यात 1 लाख 80 हजार 718 रुग्णांवर उपचार सुरू आहेत. राज्यात काल दिवसभरात 11 हजार 607 रुग्ण बरे झाले असून त्यांना रुग्णालयातून घरी सोडण्यात आले आहे. आतापर्यंत एकूण 5 लाख 43 हजार 170 रुग्णांनी कोरोनावर यशस्वी मात केली आहे.

राज्याचे रुग्ण बरे होण्याचे प्रमाण 72.62 टक्के झाले. आजपर्यंत पाठविण्यात आलेल्या 39 लाख 32 हजार 522 नमुन्यांपैकी 7 लाख 47 हजार 995 नमुने पॉझिटिव्ह (19.02 टक्के) आले आहेत. राज्यात 13 लाख 01 हजार 346 लोक होम क्वारंटाईनमध्ये आहेत. सध्या 34 हजार 908 लोक संस्थात्मक क्वारंटाईनमध्ये आहेत. COVID-19 Update in Dharavi: धारावीत आज दिवसभरात आढळले 5 नवे कोरोनाचे रुग्ण- BMC

महाराष्ट्रातील कोरोनाबाधितांची जिल्हा व मनपा निहाय आकडेवारी (28 ऑगस्ट रात्री 8: 00 वाजेपर्यंत)

राज्यात सर्वाधिक रुग्ण हे मुंबई शहरात असून कोरोना बाधितांची (COVID-19 Positive) एकूण संख्या 1,42,099 वर पोहोचली असून मृतांचा एकूण आकडा 7562 वर पोहोचला आहे. मुंबईत सद्य घडीला 19,401 रुग्णांवर उपचार सुरु आहे. मागील 24 तासांत मुंबईत 1241 नवे रुग्ण बरे झाले असून आतापर्यंत 1,14,818 रुग्णांनी कोरोनावर यशस्वीरित्या मात केली आहे. मुंबईत कोरोनाचे रुग्ण बरे होण्याची संख्या पाहता रिकव्हरी रेट 0.81% इतका झाला आहे. तर बरे झालेल्या रुग्णांचा दर 81% इतका झाला आहे. त्याचबरोबर मुंबईत आतापर्यंत 7,43,885 कोविड चाचण्या झाल्या असल्याची माहिती मुंबई महानगरपालिकेने दिली आहे.

(The above story first appeared on LatestLY on Aug 29, 2020 10:27 AM IST. For more news and updates on politics, world, sports, entertainment and lifestyle, log on to our website latestly.com).