Coronavirus Cases in Maharashtra: महाराष्ट्रातील कोरोना संक्रमितांची जिल्हानिहाय आकडेवारी, पाहा आजचे ताजे अपडेट्स

महाराष्ट्र आरोग्य मंत्रालयाने (Maharashtra Health Department) दिलेल्या माहितीनुसार, मागील 24 तासांत राज्यात 20,598 नव्या रुग्णांची नोंद झाली आहे. यामुळे कोरोना बाधितांची एकूण संख्या 12 लाखांच्या पार गेली असून हा आकडा 12,08,642 (Coronavirus Cases) इतका झाला आहे. त्याचबरोबर काल (20 सप्टेंबर) दिवसभरात 450 रुग्ण दगावले असून मृतांचा आकडा हा 32,671 (Coronavirus Death Cases) वर गेला आहे. तर दुसरीकडे दिलासादायक गोष्ट म्हणजे महाराष्ट्रात दर दिवसा कोरोना बाधित रुग्णांच्या वाढत्या संख्येपेक्षा दिवसागणिक बरे होणा-या रुग्णांची संख्या सर्वाधिक आहे. मागील 24 तासांत राज्यात 26,408 बरे झाले आहेत. याचाच अर्थ हा आकडा वाढणा-या रुग्णसंख्येपेक्षा 6 हजारांहून अधिक आहे. यामुळे राज्यात कोरोनावर मात करणा-या रुग्णांची संख्या 8,84,341 (COVID-19 Recovered Cases) इतकी झाली आहे.

राज्यात सद्य घडीला 2,91,238 रुग्णांवर (COVID-19 Active Cases) उपचार सुरु आहेत. राज्यात बरे होणा-या रुग्णांची संख्या झपाट्याने वाढत आहे. यामुळे रिकव्हरी रेट 73.17% इतका झाला आहे. तर मृत्यूदर 2.7% इतका झाला आहे. Coronavirus in Mumbai: मुंबईमध्ये आज कोरोना विषाणूच्या 2,236 रुग्णांची नोंद; एकूण संक्रमितांची संख्या 1,84,313 वर

महाराष्ट्रातील कोरोनाबाधितांची जिल्हा व मनपा निहाय आकडेवारी (20 सप्टेंबर रात्री 8: 00 वाजेपर्यंत)  

महाराष्ट्रात पुणे आणि मुंंबई या दोन शहरात जणु काही कोरोना रुग्णवाढीची स्पर्धाच लागली आहे, काल मुंंबईत पुन्हा 2,236 रुग्णांची नोंद झाली असुन एकूण संक्रमितांची संख्या 1,84,313 वर पोहचली आहे. तर पुण्यात सुद्धा 1700 नव रुग्णांंसह 1,31,781 इतकी एकूण कोरोनाबाधितांंची संख्या झाली आहे.

तर भारतात कोरोना संक्रमितांची एकूण 54 लाखांच्या पार गेला असून हा आकडा 54,00,620 वर पोहोचला आहे. तर मृतांची एकूण संख्या 86,752 इतकी झाली आहे. देशात सद्य घडीला 10 लाख 10 हजार 824 रुग्णांवर उपचार सुरु आहेत. त्याचबरोबर देशात आतापर्यंत 43 लाख 03 हजार 044 रुग्णांनी कोरोनावर मात केली आहे.