वर्धा: क्रिकेट सामना खेळून परत जाणाऱ्या 2 क्रिकेटपटूंचा रस्ते अपघातात मृत्यू
क्रिकेट सामना खेळून परत जाणाऱ्या 2 क्रिकेटपटूंचा रस्ते अपघातात मृत्यू झाला आहे. नागपूर-तुळजापूर राज्य महामार्गावर शनिवारी हा अपघात झाला. जयेश प्रवीण लोहिया (वय -10), अक्षद अभिषेक वैद (वय-11) असे मृतांचे नावे आहेत. जयेश आणि अक्षद हे वर्ध्यातील 'ब्रदर हूड क्रिकेट क्लब'चे क्रिकेटपटू होते. यातील मृत जयेश हा 'मॅन ऑफ द मॅच' ठरला होता.
क्रिकेट सामना खेळून परत जाणाऱ्या 2 क्रिकेटपटूंचा (Cricketers) रस्ते अपघातात मृत्यू झाला आहे. नागपूर-तुळजापूर राज्य महामार्गावर (Nagpur-Tuljapur State Highway) शनिवारी हा अपघात झाला. जयेश प्रवीण लोहिया (वय -10), अक्षद अभिषेक वैद (वय-11) असे मृतांचे नावे आहेत. जयेश आणि अक्षद हे वर्ध्यातील 'ब्रदर हूड क्रिकेट क्लब'चे क्रिकेटपटू होते. यातील मृत जयेश हा 'मॅन ऑफ द मॅच' (Man of the Match) ठरला होता.
यवतमाळ शहरातील गोधणी मार्गावर पद्मविलास क्रिकेट क्लबने टी-20 सामन्यांचे आयोजन केले होते. दरम्यान, शनिवारचा सामना झाल्यानंतर वर्धेतील क्रिकेट क्लबचे क्रिकेटपटू कारने (एमएच-32, एएच 3777) पालकांसोबत वर्ध्याकडे निघाले होते. त्यावेळी नागपूर-तुळजापूर राज्य महामार्गावर चापडोह पुनर्वसनजवळ त्यांची कार डिव्हाडरवर आदळली. या अपघातात कारमधील 2 क्रिकेटपटूंचा जागेवर मृत्यू झाला. तसेच कारमधील क्रिकेटपटूंसह त्यांचे पालक गंभीर जखमी झाले. जखमींना जिल्हा रुग्णालयात उपचारासाठी दाखल करण्यात आले आहे. (हेही वाचा - सोलापूरमध्ये प्रेम प्रकरणातून तरुणाची हत्या; नगरसेवकाच्या मुलाविरोधात गुन्हा दाखल)
या अपघातात मृत झालेला जयेश हा 'मॅन ऑफ द मॅच' ठरला होता. जयेशने 6 बळी घेऊन संघाला विजय मिळवून दिला होता. या अपघातात 2 चांगल्या क्रिकटपटूंचा मृत्यू झाल्याने वर्धा जिल्ह्यात हळहळ व्यक्त होत आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)