Coronavirus Update: महाराष्ट्रात मागील 24 तासांत कोरोना बाधित बरे होण्याचे प्रमाण हे रुग्णसंख्येत वाढ होण्यापेक्षा जास्त; पाहा जिल्हानिहाय आकडेवारी

महाराष्ट्रात कोरोना व्हायरसचा (Coronavirus) प्रार्दुभाव टाळण्यासाठी प्रशासन सर्वोतोपरी प्रयत्न करत असताना कोरोना व्हायरस हळूहळू आपला विळखा आणखीनच घट्ट करत चालला आहे. महाराष्ट्र आरोग्य मंत्रालयाने (Maharashtra Health Department) दिलेल्या माहितीनुसार, मागील 24 तासांत राज्यात 21,656 नवे रुग्ण आढळले असून 405 रुग्ण दगावल्याची माहिती मिळत आहे. यामुळे राज्यात कोरोना बाधितांची एकूण संख्या 11 लाख 67 हजार 496 वर (COVID-19 Positive Cases) पोहोचली आहे. तर मृतांचा एकूण आकडा 31 हजार 791 वर (COVID-19 Death Cases) पोहोचला आहे. यात दिलासादायक गोष्ट म्हणजे मागील 24 तासांत रुग्णांच्या संख्येत वाढ होण्याच्या प्रमाणापेक्षा रुग्ण बरे होण्याचे प्रमाण अधिक आहे. काल (18 सप्टेंबर) दिवसभरात राज्यात 22,078 रुग्ण बरे झाले असून आतापर्यंत राज्यात एकूण 8 लाख 34 हजार 432 रुग्णांनी कोरोनावर मात (COVID-19 Recovered Cases) केली आहे.

राज्यात सद्य घडीला 3 लाख 887 रुग्णांवर उपचार (COVID-19 Active Cases) सुरु आहेत. सध्या राज्यात 17,78,792 व्यक्ती होमक्वारंटाईनमध्ये आहेत तर 36,767 व्यक्ती संस्थात्मक क्वारंटाईनमध्ये आहेत. सध्या राज्यातील मृत्यूदर 2.72% एवढा आहे. राज्यातील रुग्ण बरे होण्याचे प्रमाण (#RecoveryRate) 71.47% एवढे झाले आहे. आजपर्यंत तपासण्यात आलेल्या 56,93,345 प्रयोगशाळा नमुन्यांपैकी 11,67,496 नमुने पॉझिटिव्ह आले आहेत.

हेदेखील वाचा- Coronavirus Cases In Mumbai: मुंबईत 2267 नव्या रुग्णांसह शहरात कोरोना बाधितांची एकूण संख्या 1,80,542 वर

महाराष्ट्रातील कोरोनाबाधितांची जिल्हा व मनपा निहाय आकडेवारी (18 सप्टेंबर रात्री 8: 00 वाजेपर्यंत)  

भारतामध्ये कोरोनाबाधितांचा एकूण आकडा आता 52 लाखांच्या पार गेला आहे. दरम्यान आज मागील 24 तासांमध्ये भारतामध्ये 96,424 नव्या रूग्णांची भर पडली आहे. तर 1,174 जणांची कोरोना व्हायरस (Coronavirus) विरूद्धची झुंज अयशस्वी ठरली आहे. सध्या देशात कोरोना व्हायरसची लागण झाल्याने कोविड 19 (COVID 19) वर उपचार घेणार्‍यांची संख्या 10,17,754आहे. तर आत्तापर्यंत एकूण 84,372 जणांचा मृत्यू झाला आहे. जगभरामध्ये एकूण कोरोनाबाधित देशांच्या यादीमध्ये भारताचा दुसरा क्रमांक आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)