Coronavirus in Maharashtra: मुंबई, पुणे, कोल्हापूर, रत्नागिरीसह महाराष्ट्रातील अन्य जिल्ह्यात किती आहेत कोरोनाचे रुग्ण?

महाराष्ट्रात कोरोना बाधितांची संख्या दिवसागणिक वाढत असून काल (13 ऑगस्ट) दिवसभरात राज्यात 11 हजार 813 जणांची कोरोना चाचणी पॉझिटिव्ह (COVID-19 Positive) आली असून 413 जणांचा मृत्यू झाला आहे. राज्यातील एकूण कोरोनाबाधित रुग्णांची संख्या आता 5 लाख 60 हजार 126 इतकी झाली आहे. तर आतापर्यंत 19,063 रुग्णांची रुग्णांची कोरोनाविरुद्धची झुंज अयशस्वी ठरली आहे, अशी माहिती महाराष्ट्राचे आरोग्यमंत्री राजेश टोपे (Rajesh Tope) यांनी दिली आहे. काल दिवसभरात 9 हजार 115 रुग्ण बरे झाले असून आतापर्यंत 3 लाख 90 हजार 958 रुग्णांनी कोरोनावर मात केली आहे. सध्या राज्यात 1 लाख 49 हजार 798 रुग्णांवर उपचार सुरू आहेत. यासंदर्भात आरोग्य विभागाने (Maharashtra Health Department) माहिती दिली आहे.

दरम्यान, राज्यात रुग्ण बरे होण्याचा दर 69.8 टक्क्यांवर पोहचला आहे. तसेच कोरोना रुग्णांचा मृत्यू होण्याचा दर 3.4 टक्के इतका आहे. आज मोठ्या प्रमाणात कोरोना रुग्णांना डिस्चार्ज देण्यात आला आहे. सध्या 10 लाखाहून अधिक जणांना होम क्वारंटाईन करण्यात आलं आहे. Coronavirus in Mumbai: मुंबईमध्ये आज कोरोना विषाणूच्या 1,200 रुग्णांची नोंद; एकूण संक्रमितांची संख्या 1,27,571 वर

महाराष्ट्रातील कोरोनाबाधितांची जिल्हा व मनपा निहाय आकडेवारी (13 ऑगस्ट रात्री 8: 00 वाजेपर्यंत)

मुंबई, पुणे, ठाणे, पालघर, रायगड, औरंगाबाद आदी जिल्ह्यात कोरोना विषाणूचा प्रादुर्भाव मोठ्या प्रमाणात वाढत आहे. त्यामुळे प्रशासनाच्या चिंतेत वाढ झाली आहे. तर दुसरीकडे भारतात कोरोना बाधितांची एकूण संख्या 23,96,638 वर पोहोचली असून 47,033 रुग्णांचा मृत्यू झाला आहे.देशात सद्य घडीला 6,53,622 रुग्णांवर उपचार सुरु असून आतापर्यंत 16,95,982 रुग्णांनी कोरोनावर यशस्वीरित्या मात करुन कोरोनाला हरवले आहे.

(The above story first appeared on LatestLY on Aug 14, 2020 08:42 AM IST. For more news and updates on politics, world, sports, entertainment and lifestyle, log on to our website latestly.com).