Affordable Religious Tourism: एसटीच्या सहलीतून मिळणार सर्वसामान्यांना धार्मिक पर्यटनाचा लाभ; वाहतूक, निवास आणि जेवण यांचा समावेश, जाणून घ्या सविस्तर

महाराष्ट्राचे परिवहन मंत्री आणि एमएसआरटीसीचे अध्यक्ष प्रताप सरनाईक (Minister Pratap Sarnaik) यांनी, सार्वजनिक-खाजगी भागीदारी (PPE) मॉडेलद्वारे वंचित नागरिकांसाठी धार्मिक पर्यटनाला चालना देण्यासाठी एक महत्त्वाकांक्षी योजना प्रस्तावित केली आहे. या उपक्रमाचा उद्देश परवडणाऱ्या धार्मिक टूर पॅकेजेस ऑफर करणे आहे, ज्यात वाहतूक, निवास आणि जेवण यांचा समावेश असेल, ज्यामुळे सर्व आर्थिक पार्श्वभूमीच्या लोकांना आध्यात्मिक प्रवास सुलभ होतील. याबाबत प्रताप सरनाईक यांनी माहिती दिली.

सरनाईक म्हणाले, सर्वसामान्य प्रवाशांना धार्मिक स्थळांना भेटी देता याव्यात यासाठी, खाजगी टूर्स अँड ट्रॅव्हल्स कंपन्यांनी एसटी सोबत संयुक्तपणे सहली आयोजित कराव्यात, जेणेकरून सर्वसामान्य प्रवाशांना कमी खर्चात निवास आणि भोजन व्यवस्थेसह धार्मिक पर्यटनाचा आनंद लुटता येईल. या योजनेत राज्यातील सर्व टूर्स अँड ट्रॅव्हल्स कंपन्यांनी सहभागी व्हावे असे आवाहन केले. आज या अनुषंगाने एसटी महामंडळाच्या मुख्यालयात बैठक घेण्यात आली.

कमी गर्दीच्या हंगामामध्ये विशेषतः सुट्ट्यांच्या दिवशी एसटीला प्रवासी भारमान कमी असते. त्यामुळे उत्पन्न कमी मिळते. अशावेळी एसटीने खाजगी टूर्स अँड ट्रॅव्हल्सच्या माध्यमातून सर्वसामान्य जनतेसाठी धार्मिक पर्यटन स्थळी सहली आयोजित केल्यास, त्यातून एसटी महामंडळाचे उत्पन्न वाढेल, तसेच सर्वसामान्य प्रवाशांना किफायतशीर दरात पर्यटनचा आनंद लुटता येईल. (हेही वाचा: Ashta Jyotirlinga Shravan Special Yatra 2025: आयआरसीटीसी सोलापूर आणि मडगाव येथून चालवणार 'अष्ट ज्योतिर्लिंग श्रावण विशेष यात्रा 2025'; भारत गौरव टुरिस्ट ट्रेनची घोषणा, जाणून घ्या सविस्तर)

Affordable Religious Tourism: 

🗓 १६ जून २०२५ | 📍 मुंबई

एसटीच्या सहलीतून मिळणार सर्वसामान्यांना धार्मिक पर्यटनाचा लाभ

सर्वसामान्य प्रवाशांना धार्मिक स्थळांना भेटी देता याव्यात यासाठी खाजगी टूर्स अँड ट्रॅव्हल्स कंपन्यांनी एसटी सोबत संयुक्तपणे सहली आयोजित कराव्यात जेणेकरून सर्वसामान्य प्रवाशांना कमी खर्चात… pic.twitter.com/1aeFfEzOCc

— Pratap Baburao Sarnaik (@PratapSarnaik) June 16, 2025

त्या अनुषंगाने खाजगी टूर्स आणि ट्रॅव्हल्स कंपन्यांनी एसटी महामंडळाच्या संयुक्त विद्यमाने कमी गर्दीच्या दिवशी पर्यटकांच्या मागणीनुसार अष्टविनायक दर्शन, तुळजापूर-पंढरपूर-अक्कलकोट दर्शन, ज्योतिर्लिंग दर्शन, त्र्यंबकेश्वर-नाशिक दर्शन अशा धार्मिक सहलींचे आयोजन करावे. या उपक्रमाची सुरुवात येत्या श्रावण महिन्यापासून करण्यात यावी अशा सूचना एसटी प्रशासनाला दिल्या.

(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).