Mukesh Ambani 63rd Birthday: भारतातील सर्वात श्रीमंत व्यक्ती मुकेश अंबानी यांच्या वाढदिवसा दिवशी जाणून घ्या त्यांची संपत्ती, टोपण नाव ते निवासस्थान Antilia Building बाबत इंटरेस्टींग गोष्टी!

Reliance Industries चे चेअरमन आणि भारतातील सर्वात श्रीमंत व्यक्ती मुकेश अंबानी यांचा आज 63 वा वाढदिवस आहे. उद्योगपती धीरूबाई अंबानी आणि कोकिलाबेन अंबानी यांचा मोठा मुलगा मुकेश यांचा जन्म 19 एप्रिल 1957 चा आहे. 31, मार्च पर्यंत मुकेश अंबांनी यांची संपत्ती $48 बिलियन इतकी आहे. दरम्यान फॉर्ब्सच्या बिलेनियर्सच्या यादीमध्ये त्यांचा 17 वा क्रमांक लागतो. भारतामध्ये $88 कोटींची उलाढाल करणार्‍या अंबानींचा ऑईल आणि गॅस इंडस्ट्रीचा व्यवसाय आहे. यासोबतच इतर क्षेत्रामध्येही अंबानींची गुंतवणुक आहे. मग आज त्यांच्या वाढदिवसाच्या निमित्ताने भारतातील या श्रीमंत व्यावसायिकाच्या आयुष्यातील काही खास गोष्टी नक्की जाणून घ्या. Coronavirus उपचारासाठी रिलायन्स इंडस्ट्रीजने उभारले पहिले स्वतंत्र रुग्णालयीन कक्ष; मास्क निर्मिती, अन्न पुरवठा सहित 'या' सुविधा सुद्धा केल्या सुरु.

मुकेश अंबांनींबद्दल खास गोष्टी

• मुकेश अंबानींचा जन्म भारतामधील नसून येमेन मधील Aden प्रांतामध्ये झाला. 1958 साली ते आई वडिलांसोबत भारतामध्ये आले.
• अनेक करोडपतींप्रमाणेच मुकेश अंबानीदेखील कॉलेज ड्रॉपआऊट आहेत. त्यांनी केमिकल इंजिनियरिंगमध्ये पदवी घेतली. Institute of Chemical Technology (UDCT)माटुंगा इथे त्यांचं शिक्षण झालं.
• 1980 साली मुकेश अंबानी अमेरिकेमध्ये Stanford University मध्ये MBA ची पदवी घेण्यासाठी गेले होते. मात्र शिक्षण अर्धवट सोडून परत आले.
• मुंबईमध्ये मुकेश अंबानी Antilia Building मध्ये राहतात. जगातील सर्वात महागड्या घरांपैकी एक असलेली ही इमारत सुमारे $1 कोटींची आहे.
• मुकेश अंबानी यांचं टोपणनाव 'मुकु' आहे.
• मुकेश अंबानी आपला वाढदिवस साजरा करत नाही. मात्र त्यांच्या 50 शीचं सेलिब्रेशन त्यांनी जामनगर रिफायनरी येथील त्यांच्या कर्मचार्‍यांसोबत केलं होतं.
• मुकेश अंबानी शाकाहारी असून अल्कोहल देखील घेत नाही.
• मुकेश अंबानी बॉलिवूडचे चाहते आहेत.
• माटुंग्याचं Mysore Cafe त्यांचं आवडीचं रेस्ट्रॉरंट आहे.
• मुकेश अंबानी धार्मिक प्रवृत्तीचे असून पुजा पाठ केल्याशिवाय ते घर सोडत नाहीत.
• 2009 पासून रिलायंस प्रत्येक वर्षी एक नवा उच्चांक गाठत असली तरीही त्यांची दरमहा 15 कोटी सॅलरी आहे.

मुकेश अंबानी यांची Reliance Industries मध्ये 42% भागीदारी आहे. यासोबत त्यांचा 4 जी व्यवसायामध्ये दबदबा आहे. Reliance Jio मध्ये सुमारे 340 मिलियन ग्राहक आहेत. ज्यामध्ये ग्राहकांना व्हॉईस कॉल मोफत आहे. तर डाटा देखील इतर टेलिकॉम कंपन्यांच्या तुलनेत स्वस्त मिळतो.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)