COVID-19 Vaccine: 5 ते 18 वयोगटातील मुलांसाठी लवकरच येणार Nasal Vaccine; Bharat Biotech ने मागितली परवानगी
अधिकृत सूत्रांनी दिलेल्या माहितीनुसार, भारत बायोटेकने आता 5 ते 18 वर्षे वयोगटातील iNCOVACC ची सुरक्षा, प्रतिक्रियाशीलता आणि रोगप्रतिकारक शक्तीचे मूल्यांकन करण्यासाठी फेज III परवानगीसाठी अर्ज केला आहे
COVID-19 Vaccine: अनुनासिक कोरोना लस (Nasal Vaccine) 5 ते 18 वर्षे वयोगटातील मुलांसाठीही उपलब्ध असेल. भारत बायोटेक (Bharat Biotech) ने तिसऱ्या टप्प्याच्या अभ्यासासाठी औषध नियंत्रकाकडे परवानगी मागितली आहे. विशेष म्हणजे, 6 सप्टेंबर रोजी, भारताचे औषध नियंत्रक जनरल (DCGI) ने 18 वर्षांपेक्षा जास्त वयाच्या लोकांसाठी इंट्रानासल कोविड लस iNCOVACC ला मंजूरी दिली होती.
अधिकृत सूत्रांनी दिलेल्या माहितीनुसार, भारत बायोटेकने आता 5 ते 18 वर्षे वयोगटातील iNCOVACC ची सुरक्षा, प्रतिक्रियाशीलता आणि रोगप्रतिकारक शक्तीचे मूल्यांकन करण्यासाठी फेज III परवानगीसाठी अर्ज केला आहे. (हेही वाचा -Ad5-nCoV Inhaled Covid-19 Vaccine: जगातील पहिली फक्त वास घेऊन कोरोनाला प्रतिबंध करणारी लस; चीनने दिली आपत्कालीन वापरासाठी मान्यता)
भारत बायोटेकने शेअर केलेल्या माहितीनुसार, ही नाकातून देण्यात येणारी लस आत्तापर्यंत वापरल्या जाणाऱ्या इतर लसींपेक्षा खूपच वेगळी आणि प्रभावी आहे. ही लस नाकाद्वारे दिली जात असल्याने, नाकातील रोगप्रतिकारक शक्ती तयार होते आणि विषाणू आत प्रवेश करताच ते निष्क्रिय करते.
'या' गोष्टींमुळे ही नोसल लस आहे खास -
- सध्या दिल्या जात असलेल्या लसींप्रमाणे, यासाठी सुईची गरज भासणार नाही. ही लस वापरण्यास देखील सोपे आहे. आपण ही लस घरी देखील घेऊ शकतो. यासाठी प्रशिक्षित आरोग्य सेवा कर्मचाऱ्यांचीही गरज नाही.
- नाकातील लसीमुळे सुईशी संबंधित जोखीम, जसे की संसर्ग, किंवा लसीकरणानंतरच्या वेदनापासून आराम मिळतो.
- मुलांसाठी आणि प्रौढांसाठी आदर्शपणे योग्य.
सर्वात महत्त्वाची गोष्ट म्हणजे विषाणू शरीरात जाण्यापूर्वीच मारण्याची क्षमता या लसीमध्ये आहे. त्यामुळे शरीराच्या अवयवांना समस्या निर्माण होण्याचा धोका राहणार नाही.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)