Health Tips: नारळ पाणी पिण्यामागे 'ही' वैज्ञानिक कारणे नक्कीच ठरतील तुमच्या आरोग्यासाठी फायदेशीर

काही गोष्टी अशा असतात  ज्यांचे वर्षाच्या 12 महीने सेवन केले तरीही त्याचे आपल्या आरोग्यावर कोणतेही दुष्परिणाम होत नाहीत. त्यापैकीच एक असे नारळाचे पाणी. नारळाचे पाणी हे नैसर्गिकरित्या थंड पेय आहे. तहान भागवण्यापासून ते  शरीरासाठी खूप फायदेशीर आहे. नारळ पाणी हे तुमच्या शरीराला आतून थंड करते आणि उन्हाळ्यात अनेक समस्या दूर करते. गेल्या काही वर्षांत नारळाचे पाणी हे एक ट्रेंडी पेय बनले आहे. यामध्ये इलेक्ट्रोलाइट्स आणि इतर आवश्यक पोषक तत्व भरपूर प्रमाणात आढळून येतात. तर आज आपण नारळाच्या पाण्याचे फायदे आणि ते पिण्याची योग्य वेळ जाणून घेणार आहोत. (Health Benefits Of Flax Seeds: रोज 1 चमचा अळशी खाल्ल्याने होतील 'हे' चमत्कारिक फायदे )

पौष्टिकतेने परिपूर्ण

नारळ पूर्ण पक्व होण्यास 10-12 महिने लागतात. पण नारळाचे पाणी हे कच्च्या नारळाचे एक रूप आहे. म्हणजेच ज्या नारळाचे पाणी बाहेर येते ते 6-7 महिने जुने नारळ असते . एका मध्यम आकाराच्या नारळामुळे 0.5-1 कप (240 मिली) पाणी मिळते. (3) त्याचे पोषण खालीलप्रमाणे आहे.

वजन कमी करण्यासाठी

वजन कमी करण्यासाठी आणि हायड्रेशनसाठी नारळाच्या पाण्यापेक्षा उत्तम काहीही नाही. ज्यांना वजन कमी करायचे आहे ते रोज नारळाचे पाणी पिऊ शकतात. कॅलरीज कमी असल्याने, त्याचे जैव-सक्रिय एंजाइम पचन करण्यास मदत करतात. हे चयापचय वाढवते, जे वजन कमी करण्यास मदत करते.

किडनी स्टोन रोखण्यासाठी

किडनी स्टोन रोखण्यासाठी / किडनी स्टोनची समस्या टाळण्यासाठी  द्रवपदार्थ पिण्याचा सल्ला दिला जातो. यात नारळाचे पाणी बरेच चांगले आहे. जेव्हा कॅल्शियम, ऑक्सालेट आणि इतर संयुगे एकत्र येऊन लघवीमध्ये खडे तयार करतात, तेव्हाच स्टोन ची समस्या होते. अभ्यासातून असे दिसून आले की नारळाच्या पाण्याने स्फटिकांना मूत्रपिंड आणि मूत्रमार्गाच्या इतर भागांना चिकटण्यापासून रोखले जाते. नारळाच्या पाण्यामध्ये पोटॅशियम भरपूर असते. म्हणून हे मूत्रपिंड निरोगी ठेवण्यास मदत करते. नारळाचे पाणी शरीरातून जादा द्रव काढून टाकण्यासाठी लघवीचे प्रमाण वाढवणारा पदार्थ म्हणून काम करते आणि स्टोन तयार होण्यास प्रतिबंध करते.

मधुमेहावर गुणकारी

संशोधनात हे देखील सिद्ध झाले आहे की नारळाचे पाणी रक्तातील साखरेची पातळी कमी करू शकते. मधुमेहविरोधी गुणधर्म म्हणून ओळखले जाणारे, एल-आर्जिनिन ((L-arginine) नारळाच्या पाण्यात आढळते. हे रक्तातील साखर देखील कमी करू शकते.नारळाचे पाणी मधुमेहामध्ये ऑक्सिडेटिव्ह (Oxidative Stress) स्ट्रेस चा सामना करते . A1c हिमोग्लोबिनची पातळी कमी करते, ज्याची उच्च पातळी रक्तातील साखरेचा धोका वाढवते. त्यामुळे डॉक्टरांच्या सल्ल्यानुसार नारळाचे पाणी रोजच्या आहारात समाविष्ट करता येते. लक्षात ठेवा की पॅकेज केलेले नारळ पाणी पिणे टाळा कारण त्यात साखर असते.

हार्ट हेल्थला प्रमोट करते

अभ्यासानुसार, नारळाच्या पाण्याचे सेवन हृदयाच्या आरोग्यासाठी फायदेशीर आहे. उंदरांवर केलेल्या अभ्यासात असे आढळून आले की , ज्या उंदीरांनी ते प्याल्यायल्यानंतर त्यांच्यामधील कोलेस्टेरॉल आणि ट्रायग्लिसराइड्स कमी झाले. यासह, यकृताच्या चरबीमध्ये घट देखील जाणवली. आणखी एका संशोधनात उंदीरांना 45 दिवस शरीराच्या वजनाच्या 4 मिली प्रति 100 ग्रॅम दराने नारळाचे पाणी देण्यात आले ज्यामध्ये कोलेस्टेरॉल आणि ट्रायग्लिसराइड्समध्ये घट झाल्याचे आढळून आले. उच्च कोलेस्टेरॉल आणि ट्रायग्लिसराइड्स हृदयासाठी धोकादायक असतात. त्यामुळे डॉक्टरांच्या सल्ल्याने याचे सेवन करता येते. अभ्यासातून हे देखील स्पष्ट झाले आहे की ते रक्तदाब कमी करण्यास देखील मदत करते.

नारळ पाणी पिण्याची योग्य वेळ

सकाळी रिकाम्या पोटी नारळाच्या पाण्याचे सेवन करणे अनेक प्रकारे फायदेशीर आहे. नारळाचे पाणी हे एक नैसर्गिक पेय आहे जे शरीराला हायड्रेटेड ठेवण्यास मदत करते आणि व्यायामापूर्वी ऊर्जा वाढवते. त्यामुळे वर्कआउट करण्यापूर्वी तुम्ही याचे सेवन करू शकता. जर तुम्ही जेवणापूर्वी एक ग्लास नारळ पाणी प्याल तर त्याने पोट भरते आणि अति खाणे टाळते. यात कॅलरीज कमी असतात आणि पचायला सोपे असते. त्यामुळे कसरत केल्यानंतरही याचे सेवन करता येते. तसेच हँगओव्हरपासून मुक्त होण्यासाठी नारळाचे पाणी हा एक उत्तम घरगुती उपाय आहे. म्हणून, जर एखाद्याला अल्कोहोलचा हँगओव्हर असेल तर तो त्याचे सेवन करू शकतो.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)