Gudi Padwa 2024 Date: गुढीपाडवा कधी आहे? काय आहे या दिवसाचे महत्त्व? जाणून घ्या
गुढी म्हणजे ध्वज, तर मराठीत प्रतिपदेला पाडवा म्हणतात. त्यामुळे हा सण गुढीपाडवा म्हणून ओळखला जातो. धार्मिक मान्यतेनुसार चैत्र महिन्याच्या प्रतिपदेला ब्रह्मदेवाने विश्वाची निर्मिती केली. त्यामुळे या तिथीला विशेष महत्त्व आहे.
Gudi Padwa 2024 Date: इंग्रजी कॅलेंडर म्हणजेच ग्रेगोरियन कॅलेंडरनुसार दरवर्षी 1 जानेवारीपासून नवीन वर्ष (New Year) सुरू होते. परंतु, सर्व धार्मिक समुदायांमध्ये आपापल्या समजुतीनुसार नवीन वर्ष वेगवेगळ्या दिवशी साजरे केले जाते. तर, हिंदी दिनदर्शिकेबद्दल बोलायचे झाले तर, त्यानुसार नवीन वर्षाची सुरुवात चैत्र महिन्याच्या प्रतिपदेपासून मानली जाते.
गुढी पाडव्याचा शुभ मुहूर्त -
हिंदी दिनदर्शिकेनुसार, चैत्र महिन्याची प्रतिपदा 08 एप्रिल रोजी रात्री 11:50 वाजता सुरू होत आहे. तसेच, ही तारीख 09 एप्रिल रोजी रात्री 08:30 वाजता समाप्त होईल. अशा परिस्थितीत गुढीपाडव्याचा सण (Gudi Padwa 2024) मंगळवार, 09 एप्रिल रोजी साजरा होणार आहे. (हेही वाचा -Gudi Padwa 2024 Rangoli Designs: गुढीपाडव्याला काढता येतील अशा सुंदर रांगोळी डिझाईन, पाहा व्हिडीओ)
गुढीपाडव्याचे महत्त्व -
गुढी म्हणजे ध्वज, तर मराठीत प्रतिपदेला पाडवा म्हणतात. त्यामुळे हा सण गुढीपाडवा म्हणून ओळखला जातो. धार्मिक मान्यतेनुसार चैत्र महिन्याच्या प्रतिपदेला ब्रह्मदेवाने विश्वाची निर्मिती केली. त्यामुळे या तिथीला विशेष महत्त्व आहे.
गुढीपाडव्याच्या दिवशी लोक आपली घरे स्वच्छ करतात. या वेळी घर रांगोळी आणि फुलांच्या माळांनी सजवले जाते. यासोबतच मुख्य गेटवर आंबा किंवा अशोकाच्या पानांचे तोरण बांधले जाते. गुढीपाडव्यात विविध प्रकारचे पदार्थही तयार केले जातात.
घरासमोर ध्वज म्हणजेच गुढी उभारली जाते. यानंतर एका भांड्यावर स्वस्तिक बनवून त्यावर रेशमी कापड गुंडाळले जाते. तसेच या तिथीला सकाळी अंगाला तेल लावून स्नान करण्याची परंपरा आहे. उत्तम आरोग्यासाठी या दिवशी गुळासोबत कडुलिंब खाण्याचीही परंपरा आहे.
(The above story first appeared on LatestLY on Mar 28, 2024 02:51 PM IST. For more news and updates on politics, world, sports, entertainment and lifestyle, log on to our website latestly.com).
