Chhath Puja 2024 Date: छठ पूजा कधी आहे? तारीख आणि महत्त्व घ्या जाणून

Chhath Puja 2024 Date: हिंदू धर्मात छठ सणाला खूप महत्त्व आहे. छठ पूजेचा (Chhath Puja 2024) सण प्रामुख्याने बिहार, झारखंड, उत्तर प्रदेश आणि नेपाळमध्ये साजरा केला जातो. सूर्यदेवाला समर्पित हा चार दिवसांचा उपवास आहे. छठ पूजेमध्ये सूर्यदेवाला अर्घ्य अर्पण केले जाते. छठपूजेची सुरुवात कर्णावती राणीने केली असे मानले जाते. आपला मुलगा बरा व्हावा, अशी प्रार्थना त्यांनी सूर्यदेवाकडे केली होती. तेव्हा सूर्यदेव प्रसन्न झाले आणि त्यानंतर कर्णावतीचा पुत्र निरोगी झाला. तेव्हापासून छठपूजा साजरी केली जाऊ लागली.

दिनदर्शिकेनुसार, छठ सण वर्षातून दोनदा साजरा केला जातो. चैत्र महिन्यातील पहिला दिवस ज्याला चैती छठ पूजा म्हणतात. ही पूजा कुटुंबातील काही निवडक सदस्यच करतात. दुसरी छठ पूजा कार्तिक महिन्यात साजरी केली जाते. हे व्रत मोठ्या थाटामाटात साजरा केले जाते. लोक छठ सण केवळ भारतातच नव्हे तर भारत आणि परदेशातही साजरा करतात. महापर्वाच्या निमित्ताने देश-विदेशातून लोक आपल्या कुटुंबासह छठ पूजेसाठी घरी येतात. (हेही वाचा -Kartiki Ekadashi 2024: कार्तिकी एकादशीच्या पार्श्वभूमीवर पंढरपूरचं विठ्ठल रूक्मिणी मंदिर 24 तास दर्शनासाठी राहणार खुले)

छठ पूजा कधी साजरी होणार आहे?

द्रिक पंचांगानुसार, कार्तिक महिन्यातील शुक्ल पक्षातील षष्ठी तिथीला छठ पूजेचा सण साजरा केला जातो. या वर्षी 2024 मध्ये षष्ठी तिथी गुरुवार, 7 नोव्हेंबर रोजी सकाळी 12:41 वाजता सुरू होईल आणि शुक्रवार, 8 नोव्हेंबर रोजी सकाळी 12:34 वाजता समाप्त होईल. उदय तिथीनुसार, छठ पूजेचा सण गुरुवार 7 नोव्हेंबर रोजीच साजरा होणार आहे. छठपूजा पूर्ण करण्यासाठी 7 नोव्हेंबरला सायंकाळी अर्घ्य आणि 8 नोव्हेंबरला सकाळी अर्घ्य दिले जाईल. यानंतर व्रत सोडले जाईल.

छठ पूजा महत्त्व -

कार्तिक महिन्यात साजरा केला जाणारा छठ कार्तिक महिन्याच्या शुक्ल पक्षाच्या चतुर्थी तिथीपासून सुरू होतो. लोक 4 दिवसांचे हे व्रत मोठ्या श्रद्धेने साजरे करतात. छठ सणाला बरका परब, सूर्य षष्ठी, दला छठ, दला पूजा आणि छेत्री पूजा या नावांनी ओळखले जाते. छठ पूजा साजरी करण्यासाठी काही भाविक संध्याकाळी आणि पहाटे घाटावर जातात. तसेच बहुतेक लोक गंगेच्या काठावर उपवास ठेवण्यास प्राधान्य देतात. यासाठी अनेक कुटुंबे आपापल्या सोयीनुसार गंगेच्या काठावरील नातेवाईक, मित्र किंवा ओळखीच्या व्यक्तींच्या घरी जाऊन छठ साजरी करण्यास प्राधान्य देतात. ही पूजा केल्याने घरात सुख-समृद्धी नांदते, अशी श्रद्धा आहे.