Raksha Bandhan Mantra: राखी बांधताना बहीण-भावाने कसे बसावे? कोणता मंत्र जपावा? जाणून घ्या शास्त्रशुद्ध पद्धत आणि शुभ मुहूर्त

Raksha Bandhan Mantra: उद्या श्रावण महिन्यातील पौर्णिमेला रक्षाबंधनाचा सण साजरा केला जाणार आहे. या शुभ सणाच्या दिवशी बहिणी आपल्या भावांच्या मनगटावर राखी बांधतात आणि त्यांना दीर्घायुष्य मिळावे यासाठी प्रार्थना करतात. रक्षाबंधनाचा सण हा भाऊ-बहिणीच्या परस्पर प्रेम आणि आपुलकीला वाहिलेला सण आहे. त्या बदल्यात भाऊ बहिणीला भेटवस्तू देतो आणि नेहमी तिचे रक्षण करण्याचे वचन देतो. राखी नेहमी हिंदू पंचांगाच्या गणनेनुसार शुभ मुहूर्त लक्षात घेऊन बांधावी. आपल्या सर्वांना माहित आहे की हिंदू धर्मातील कोणतेही पवित्र कार्य मंत्रांशिवाय पूर्ण मानले जात नाही. चला तर मग रक्षाबंधनाच्या दिवशी भावाला राखी बांधताना कोणत्या मंत्राचा जप करावा, ते जाणून घेऊयात...

या मंत्राचा करा जप -

रक्षाबंधनाचा सण भाऊ आणि बहिणींमधील अतूट आणि अविनाशी प्रेमाला समर्पित आहे. हा सण अनेक वर्षांपूर्वीपासून साजरा केला जातो. या सणाचा उल्लेख महाभारत, भविष्य पुराण आणि मुघल काळातील इतिहासातही आढळतो. धार्मिक ग्रंथांमध्ये अनेक ठिकाणी असा उल्लेख आहे की, जेव्हा एखाद्या व्यक्तीच्या मनगटावर संरक्षक/पवित्र धागा बांधला जातो. तेव्हा त्या व्यक्तीने त्याच क्षणी खालील मंत्राचा जप करावा. या मंत्राचा जप करताना भावाच्या मनगटावर राखी बांधल्याने भाऊ-बहिणीचे नाते घट्ट होते आणि भावाला दीर्घायुष्य लाभते, असे मानले जाते. चला जाणून घेऊया या दैवी मंत्राविषयी. (हेही वाचा - Raksha Bandhan Gift Ideas 2023: रक्षाबंधन निमित्त बहिणीला गिफ्ट देण्यासाठी 5 आइडिया, 'हे' गीफ्ट देवून रक्षाबंधन करा खास)

रक्षाबंधन मंत्र -

येन बद्धो बलि राजा, दानवेन्द्रो महाबल: तेन त्वाम् प्रतिबद्धनामि रक्षे माचल माचल:।

सिन्दूरं सौभाग्य वर्धनम, पवित्रम् पाप नाशनम्। आपदं हरते नित्यं, लक्ष्मीस्तिष्ठति सर्वदा॥,

काय आहे या मंत्राचा अर्थ -

परम दयाळू राजा बळीला जो संरक्षण धागा बांधला होता, तोच पवित्र धागा मी तुझ्या मनगटावर बांधला आहे, जो तुझे सर्वकाळ संकटांपासून रक्षण करेल.

रक्षाबंधनाचा मुहूर्त -

हिंदू कॅलेंडरनुसार, यावर्षी श्रावण महिन्याच्या शुक्ल पक्षाची पवित्र पौर्णिमा तिथी 30 ऑगस्ट 2023 रोजी सकाळी 10.58 वाजता सुरू होईल आणि पौर्णिमा तिथी दुसऱ्या दिवशी म्हणजेच 31 ऑगस्ट 2023 रोजी सकाळी 07.07 वाजता समाप्त होईल. 30 ऑगस्ट रोजी पौर्णिमा तिथीच्या प्रारंभाने भाद्रची सुरुवात होईल, जी 30 ऑगस्ट रोजी रात्री 9:01 पर्यंत चालेल. 30 ऑगस्ट 2023 रोजी भाद्र काळात संपूर्ण दिवस राखी बांधता येणार नाही. 30 ऑगस्ट 2023 रोजी भद्रा काल रात्री 09.01 मिनिटांपर्यंत चालेल, अशा स्थितीत 30 ऑगस्टला रात्री भद्रा संपेल. त्यानंतर राखी बांधता येईल.

राखी बांधताना बहीण-भावाने कसे बसावे?

रक्षाबंधनाचा विधी सुरू असताना भावाचे सुमुख पूर्व दिशेला असावे. राखी बांधताना भावाने टोपी, फेटा किंवा पगडी घालावी. यापैकी काहीच उपलब्ध नसल्यास रुमाल बांधावा. रक्षाबंधनाच्या विधीत बहिणीने प्रथम भावाच्या कपाळाला कुंकू लावावे. त्यानंतर अक्षता लावाव्यात. यानंतर आशीर्वाद म्हणून अक्षता भावाच्या डोक्यावर टाकाव्यात. या विधीनंतर भावाचे औक्षण करावे. औक्षण केल्यानंतर भावाच्या उजव्या हातावर राखी बांधावी. रक्षाबंधन करताना बहिणीने मंत्र म्हणावा.

(The above story first appeared on LatestLY on Aug 29, 2023 06:53 PM IST. For more news and updates on politics, world, sports, entertainment and lifestyle, log on to our website latestly.com).