Happy International Yoga Day 2025 Messages in Marathi: आज, 21 जून 2025 रोजी जगभरात आंतरराष्ट्रीय योग दिन उत्साहात साजरा केला जाईल. संयुक्त राष्ट्रांनी (UN) भारताच्या पुढाकाराने 21 जून हा योग दिन म्हणून घोषित केला, आणि तेव्हापासून हा दिवस शारीरिक, मानसिक आणि आध्यात्मिक आरोग्यासाठी योगाच्या महत्त्वावर प्रकाश टाकतो. भारताचे पंतप्रधान नरेंद्र मोदी यांनी संयुक्त राष्ट्रांच्या सर्वसाधारण सभेत योगाच्या प्राचीन भारतीय परंपरेचे महत्त्व सांगितले, आणि त्यांच्या प्रस्तावाला 177 देशांनी पाठिंबा दिला. 2025 मधील या उत्सवाची थीम आहे ‘योगा फॉर वन अर्थ, वन हेल्थ,’ जे मानवी आरोग्य आणि पर्यावरणाच्या संतुलनावर भर देते.

पंतप्रधान नरेंद्र मोदी यांनी संयुक्त राष्ट्रांच्या 69 व्या सभेत, योगाला जागतिक स्तरावर मान्यता मिळावी यासाठी आंतरराष्ट्रीय योग दिनाची संकल्पना मांडली. त्यांनी 21 जून हा दिवस निवडला, कारण हा दिवस उत्तर गोलार्धातील सर्वात मोठा दिवस (उन्हाळ्याचा संक्रांती) आहे, ज्याला अनेक संस्कृतींमध्ये विशेष महत्त्व आहे.

योग ही भारतातील 5,000 वर्षांहून अधिक प्राचीन परंपरा आहे, जी शरीर, मन आणि आत्म्याच्या एकतेचे प्रतीक आहे. ‘योग' हा शब्द संस्कृतमधील ‘युज’ या मूळापासून आला आहे, ज्याचा अर्थ आहे जोडणे किंवा एकत्र येणे. योगामुळे शारीरिक लवचिकता, मानसिक शांती आणि आध्यात्मिक प्रबोधन होते. जागतिक आरोग्य संघटनेने (WHO) देखील योगाला शारीरिक निष्क्रियता कमी करण्यासाठी आणि हृदयरोग, मधुमेह आणि कर्करोग यांसारख्या असंसर्गजन्य रोगांचा धोका कमी करण्यासाठी उपयुक्त मानले आहे.

तर या आंतरराष्ट्रीय योग दिनानिमित्त खास HD Images, Messages, Wishes, Greetings, Whatsapp Status द्वारे द्या शुभेच्छा.

दरम्यान, भारतात, आंतरराष्ट्रीय योग दिन 2025 चा मुख्य कार्यक्रम विशाखापट्टणम, आंध्र प्रदेश येथे होणार आहे, जिथे पंतप्रधान नरेंद्र मोदी 5 लाखांहून अधिक लोकांसह योग सत्रात सहभागी होतील. आंतरराष्ट्रीय योग दिन हा केवळ उत्सव नसून, निरोगी जीवनशैलीचा अवलंब करण्यासाठी आणि योगाच्या जागतिक प्रसारासाठी एक व्यासपीठ आहे. 2016 मध्ये, यूनेस्कोने योगाला मानवतेच्या अमूर्त सांस्कृतिक वारसाची मान्यता दिली, ज्यामुळे त्याचे जागतिक महत्त्व अधिक अधोरेखित झाले. आंतरराष्ट्रीय योग दिन जगभरात न्यूयॉर्क, पॅरिस, बीजिंग, बँकॉक, क्वालालंपूर आणि सोल यासारख्या शहरांमध्ये साजरा केला जातो.