International Men's Day 2023 Gift Ideas: आंतरराष्ट्रीय पुरुष दिनानिमित्त आपल्या पुरुष मित्रांना, प्रियजनांना द्या 'या' खास भेटवस्तू

International Men's Day 2023 Gift Ideas: दरवर्षी 8 मार्च हा आंतरराष्ट्रीय महिला दिन (International Men's Day 2023) म्हणून साजरा केला जातो. त्याचप्रमाणे 19 नोव्हेंबर हा दिवस पुरुषांना समर्पित केला जातो, जो आंतरराष्ट्रीय पुरुष दिन म्हणून ओळखला जातो. पुरुष दिनाचा उद्देश पुरुष आणि मुलांचे आरोग्य, लैंगिक समानता आणि आदर्श पुरुषांबद्दल जगाला सांगणे हा आहे. या दिवसाचा इतिहास 1992 चा आहे, परंतु आंतरराष्ट्रीय पुरुष दिन साजरा करण्याची कल्पना त्याच्या एक वर्ष आधी 1991 मध्ये आली होती. हा दिवस पुरुषांसाठी खूप खास आहे, कारण या दिवशी पुरुषांच्या कर्तृत्वाचा उत्सव साजरा केला जातो आणि समाज, कुटुंब, विवाह आणि मुलांची काळजी यातील त्यांच्या योगदानावर चर्चा केली जाते.

तुम्ही एक स्त्री असाल आणि तुमच्या आयुष्यातील सर्वात खास पुरुष मित्र, वडील, भाऊ, नातेवाईक किंवा तुमच्या जोडीदाराचे कौतुक करायचे असेल तर तुम्ही त्याला या दिवशी एक खास भेट देऊ शकता. तुमच्या बजेटनुसार, तुमच्या आयुष्यातील महत्त्वाच्या माणसाला एखादी सुंदर भेट देऊन, तो तुमच्यासाठी किती खास आहे याची जाणीव करून देऊ शकता. बाजारात भेटवस्तूंचे अनेक पर्याय उपलब्ध आहेत, परंतु आम्ही तुमच्यासाठी काही निवडक भेटवस्तू कल्पना घेऊन आलो आहोत. (हेही वाचा - Shree Shankar Maharaj Prakat Din 2023 Date: उद्यापासून पुण्यातील मठात साजरा होणार श्री शंकर महाराज यांचा प्रगट दिन सोहळा; अनेक कार्यक्रमांचे आयोजन, जाणून घ्या सविस्तर)

फिटनेस गॅझेट

जर तुम्ही एखाद्यावर प्रेम करत असाल तर साहजिकच तुम्ही नेहमी निरोगी आणि आनंदी राहावे अशी तुमची इच्छा असेल. आंतरराष्ट्रीय पुरुष दिनानिमित्त, त्यांना उत्तम आरोग्याच्या शुभेच्छा देण्याबरोबरच, त्यांच्या आरोग्याची तुम्हाला किती काळजी आहे हे दाखवा. या खास प्रसंगी, तुम्ही त्यांना फिटनेस बेड, योगा मॅट इत्यादी फिटनेस गॅजेट्स देऊन त्यांच्यासाठी हा दिवस आरोग्यदायी बनवू शकता.

सरप्राईज डिनर -

आंतरराष्ट्रीय पुरुष दिनाच्या विशेष प्रसंगी, तुम्ही तुमच्या पुरुष जोडीदारासाठी, वडील, भाऊ किंवा मित्रासाठी सरप्राईज डिनरची योजना करू शकता. तुम्हाला हवे असल्यास, तुम्ही रात्रीच्या जेवणासाठी चांगल्या रेस्टॉरंटमध्ये जाऊ शकता किंवा तुम्ही घरी खास डिश तयार करून त्यांना खायला देऊ शकता. चविष्ट अन्नापेक्षा प्रेम व्यक्त करण्याचा उत्तम मार्ग कोणता असू शकतो?

मायक्रोफोन -

तुम्ही एका प्रीमियम ब्रँडचा विचार करून मायक्रोफोन गिफ्ट देऊ शकता. पॉडकास्ट, व्हिडिओ प्रोडक्शन आणि शैक्षणिकांसाठी मल्टीमीडिया प्रकल्प यासारख्या अनेक उद्देशांसाठी मायक्रोफोन वापरला जाऊ शकतो. ही एक आठवणीतील भेट तुमच्या मित्राच्या कायमस्वरुपी लक्षात राहिल.

पुस्तके

या खास दिवशी तुम्ही तुमच्या आयुष्यातल्या खास माणसाला त्याच्या आवडीचे कोणतेही पुस्तक भेट म्हणून देऊ शकता. जर तुमच्या जोडीदाराला किंवा मित्राला वाचनाची आवड असेल तर त्याच्या आवडीचे पुस्तक विकत घ्या. या भेटवस्तूची सर्वात खास गोष्ट म्हणजे यासाठी तुम्हाला जास्त पैसे खर्च करावे लागणार नाहीत. ही भेट नेहमी समोरच्याला तुमची आठवण करून देईल.

पाकीट किंवा घड्याळ

तुमच्या बजेटनुसार तुम्ही पुरुष दिनानिमित्त तुमच्या पुरुष जोडीदाराला वॉलेट किंवा घड्याळही भेट देऊ शकता. वॉलेट आणि घड्याळ हे दोन्ही माणसाच्या व्यक्तिमत्त्वाचा अविभाज्य भाग आहेत. कमी बजेमध्ये तुम्ही या दोन्ही वस्तू पुरुष दिनानिमित्त आपल्या भाऊ, वडिल किंवा मित्राला देऊ शकता.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)