West Bangal Gangrape: पश्चिम बंगालमध्ये अल्पवयीन मुलीवर 7 जणांनी केला सामुहिक बलात्कार, व्हिडीओ बनवून सोशल मीडियावर केले पोस्ट

West Bangal Gangrape: पश्चिम बंगालमधील जलपाईगुडी जिल्ह्यातील एका चहाच्या बागेत चार अल्पवयीन मुलांसह सात जणांनी एका अल्पवयीन मुलीवर बलात्कार केल्याचा आरोप आहे. एका वरिष्ठ पोलिस अधिकाऱ्याने गुरुवारी ही माहिती दिली की, गेल्या तीन दिवसांत मुलीच्या कुटुंबीयांनी नाव दिलेल्या सात आरोपींना अटक केली आहे. सात आरोपींपैकी चार अल्पवयीन असून तीन प्रौढ आरोपींपैकी दोघांना पोलिस कोठडी तर एकाची न्यायालयीन कोठडीत रवानगी करण्यात आल्याचे त्यांनी सांगितले. अधिकाऱ्याने सांगितले की, अल्पवयीन मुलांना बालगृहात पाठवण्यात आले आहे.

अधिकाऱ्याने सांगितले की, मुलगी एका आरोपीच्या सांगण्यावरून डुअर्स भागातील चहाच्या बागेत एका निर्जन ठिकाणी गेली होती. ते म्हणाले की, तो आरोपी तरुणीचा मित्र आहे. अधिकाऱ्याने सांगितले की, रविवारी दुपारी ती त्या ठिकाणी पोहोचली तेव्हा सात जणांनी तिच्यावर बलात्कार केला आणि व्हिडिओ बनवला.

ते म्हणाले की, जेव्हा आरोपीने या आठवड्याच्या सुरुवातीला सोशल मीडियावर कथित व्हिडिओ क्लिप पोस्ट केली तेव्हा मुलीच्या कुटुंबीयांनी एफआयआर दाखल केला. अधिकाऱ्याने सांगितले की, जलपाईगुडी येथून तीन आरोपींना अटक करण्यात आली आहे, तर इतर चार आरोपींना अलीपूरद्वार येथून अटक करण्यात आली आहे.