Uttarpradesh Crime News: उत्तर प्रदेशमध्ये दुहेरी हत्या कांड; पिता-पुत्राची दुकानात गोळ्या घालून हत्या

Uttarpradesh Crime News: उत्तर प्रदेशातील आझमगडमध्ये बुधवारी सकाळी एका दुकानातील मालकाचा आणि त्याच्या मुलाची गोळ्या झाडून हत्या करण्यात आली आहे. इंटरनेटवर या घटनेचे एक व्हिडिओ समोर आले आहे, ज्यामध्ये दोघांवर झालेल्या हल्ल्याचे भयानक दृश्य दिसत आहे. महाराजगंज पोलिस ठाण्याच्या हद्दीत असलेल्या सारदाहा मार्केटमधील एका दुकानावरून सुरू असलेला वाद हे या दुर्घटनेमागील कारण होते. परिसरात या घटनेमुळे मोठी खळबळ उडाली आहे.

रशीद (वय 55) आणि त्याचा मुलगा शोएब (वय 22) अशी या दोघांची नावे असून या वादातून त्यांची निर्घृणपणे गोळ्या झाडून हत्या करण्यात आली. हे प्रकरण रशीद आणि आरोपी दिनेश यांच्यात वाद झाला होता. त्या वादावरून दिनेशने दोघांवर गोळ्या झाडली. या घटनेमुळे परिसरात मोठी खळबळ उडाली आहे.

हा जीवघेणा हल्ला इंटरनेटवर व्हायरल होत आहे.  या फुटेजमध्ये दिनेश रशीद आणि शोएब यांच्यावर गोळीबार करत असताना हा भांडण प्राणघातक संघर्षात वाढल्याचे दृश्य दिसत आहे. दुर्दैवाने पिता-पुत्र दोघांचाही जागीच मृत्यू झाला. आरोपी रशीदचे दुकान पेटवण्याचा प्रयत्न करताना, वेगवेगळ्या रॅकवर ठेवलेल्या कपड्यांचे बंडल पेटवताना दिसतात. या घटनेची माहिती मिळताच पोलिस घटनास्थळी तातडीने दाखल झाले.परिसरातील सर्व दुकानदाराने दुकाने बंद केली. मृतदेह तातडीने पोस्टमार्टम तपासणीसाठी पाठवण्यात आले, तर स्थानिक पोलिसांनी जोरदार तपास सुरू केला.