Uttarpradesh Sexual Abuse Case: सहारनपूर येथे बालसुधारगृहात मुलींवर लैंगिक अत्याचार; ह्या संदर्भात 5 कर्मचाऱ्यांना बडतर्फ

Uttarpradesh Sexual Abuse Case: उत्तर प्रदेशातील सहारनपूर येथील बालसुधारगृहात मुलींच्या लैंगिक शोषणाची धक्कादायक  घटना समोर आली आहे. सहारनपूरच्या जनता रोडवर असलेल्या सुधारगृहातील मुलींनी त्यांच्या शोषणाची माहिती अधिकाऱ्यांसमोर मांडली. ह्या धक्कादायक बातमीमुळे सर्वांच्याच होश उडाले. वास्तविक, एसडीएम कीर्ती सिंह यांनी दोन दिवसांपूर्वी निवासी बालसुधारगृहाची पाहणी करत होती. यादरम्यान ती तेथे राहणाऱ्या मुलींशी बोलत असताना सुधारगृहाच्या व्यवस्थापकाबाबत मुलींनी ह्या संदर्भात मोठा खुलासा केला. व्यवस्थापक आणि अधीक्षकांच्या छळामुळे अधिकाऱ्यांनाही धक्का बसला.

मॅनेजर व्हीपी सिंग यांच्यावर गंभीर आरोप करण्यात आले होते. विनयभंग केल्याचा आरोप मुलींनी केला आहे. विरोध केल्यावर प्रायव्हेट पार्टमध्ये मिरची टाकण्यासारखे घृणास्पद कृत्य  केल्याचे समोर  आहे.  तपासणीनंतर एसडीएमने आपला अहवाल डीएमला दिला. याप्रकरणी डीएमने बालसुधारगृहातील 5 कर्मचाऱ्यांना बडतर्फ केले आहे. व्यवस्थापकाला बालगृहात जाण्यास बंदी घालण्यात आली होती. पोलिसांनी या प्रकरणाचा तपास सुरू केला आहे.

बालसुधारगृहात मुलींवर झालेल्या अमानुष वागणुकीप्रकरणी पोलिसांनी एफआयआर नोंदवला होता. एका मुलीच्या वतीने दोन पानी तक्रार एसडीएम सदर कीर्ती सिंह यांना सोपवणायत  आला आहे. त्याआधारे गुन्हा दाखल करण्यात आला आहे. एसडीएमने शुक्रवारी डीएम डॉ. दिनेश चंद्र यांना तपास अहवाल सादर केला. या अहवालाच्या आधारे, डीएमने आयएएस कृतिराज, पीसीएस अधिकारी किंशुक श्रीवास्तव आणि उपनिरीक्षक सुनीता मालन यांची संयुक्त टीम तयार केली. बालगृहाची पुन्हा तपासणी करण्यात आली. चौकशीसाठी गेलेल्या त्रिसदस्यीय समितीने प्रत्येक मुलीशी स्वतंत्रपणे संवाद साधला. यावेळी मुलींच्या विनयभंग, मारहाणीपासून ते बेकायदेशीर वसुलीपर्यंत प्रकरण उघडकीस आले. एसडीएम सदर यांच्या तपास अहवालात नमूद केलेले सर्व आरोप योग्य असल्याचे आढळून आले.

(The above story first appeared on LatestLY on Jun 24, 2023 05:24 PM IST. For more news and updates on politics, world, sports, entertainment and lifestyle, log on to our website latestly.com).