Cut Off Fingers In Mohali: धक्कादायक! पंजाबमध्ये तलवारीने कापली तरुणाची बोटं; काय आहे नेमकी प्रकरण? जाणून घ्या, Watch Video
मोहालीच्या फेज-1 पोलीस ठाण्यात आरोपींविरुद्ध शस्त्रास्त्र कायद्यासह विविध कलमांखाली गुन्हा दाखल करण्यात आला आहे.
Cut Off Fingers In Mohali: पंजाबमध्ये गुन्हेगारीशी संबंधित एक धक्कादायक घटना समोर आली आहे. एका तरुणाने तलवारीने बोटे कापल्याचा व्हिडिओ सोशल मीडियावर व्हायरल होत आहे, जो पंजाबचे काँग्रेस नेते आणि आमदार सुखपाल सिंग खेहरा यांनी त्यांच्या ट्विटर अकाऊंटवर शेअर केला आहे. हा व्हिडिओ पंजाबचा असल्याचा दावा त्यांनी केला आहे. व्हिडिओमध्ये 2 हल्लेखोरांनी मिळून एका तरुणाला पकडले आहे. यानंतर तरुणाच्या एका हाताची चार बोटे तलवारीने कापण्यात आली. यावेळी आणखी एक आरोपीही तेथे उपस्थित होता.
व्हिडिओ पोस्ट करताना काँग्रेस आमदार सुखपाल सिंह खेहरा म्हणाले की, हा व्हिडिओ शेअर करताना मी संकोच करत आहे. त्यांनी मोहालीतील खून प्रकरणाचा संशय व्यक्त केला आहे. तसेच त्यांनी पंजाबचे मुख्यमंत्री भगवंत ॉमान आणि डीजीपी पंजाब गौरव यादव यांना वस्तुस्थितीची पुष्टी करण्याची मागणी केली आहे. (हेही वाचा - Viral Video: नवरदेवाला हळद लावताना हृदयविकाराच्या झटक्याने तरुणाचा मृत्यू; पहा धक्कादायक व्हिडिओ)
हे प्रकरण मोहालीतील बधमाजरा गावातील स्मशानभूमीशी संबंधित आहे, जिथे तीन आरोपींनी 24 वर्षीय हरदीप उर्फ राजूची बोटे कापली. घटनेनंतर तिन्ही आरोपी फरार आहेत.
का कापली बोटे?
आठ महिन्यांपूर्वी मोहालीतील बलोंगी येथे एका तरुणाची हत्या करण्यात आली होती. मटकच्या दोन भावांना त्याच्या हत्येत हरदीपचा हात असल्याचा संशय होता. भावाच्या हत्येचा बदला घेण्यासाठी त्याने त्याचा साथीदार तरुण व इतरांसह हरदीपची बोटे कापून पळ काढला.
पंजाब में तालिबानी हरकत !!
तलवार से युवक के हाथ की उंगलियौन को काटकर विडियो किया वायरल।
पंजाब में कानून व्यवस्था की हालात बदतर !! pic.twitter.com/gQIGV7P13d
— NCIB Headquarters (@NCIBHQ) February 24, 2023
या घटनेनंतर हरदीपला पीजीआयमध्ये नेण्यात आले, जिथे त्याची फक्त दोन बोटे जोडता आली. मोहालीच्या फेज-1 पोलीस ठाण्यात आरोपींविरुद्ध शस्त्रास्त्र कायद्यासह विविध कलमांखाली गुन्हा दाखल करण्यात आला आहे. आरोपींच्या शोधासाठी पोलिसांकडून सातत्याने छापेमारी सुरू आहे.
(The above story first appeared on LatestLY on Feb 24, 2023 07:19 PM IST. For more news and updates on politics, world, sports, entertainment and lifestyle, log on to our website latestly.com).
