Gurugram Accident: गुरुग्राम येथील उद्योग विहार-1 पोलीस ठाण्याच्या हद्दीत रविवारी रात्री रस्त्यावर स्टंटबाजी करत असताना कार स्वारांनी रस्त्यावर उभ्या असलेल्या तिघांना धडक दिली. ही टक्कर इतकी भीषण होती की या घटनेत एकाचा मृत्यू झाला. तर दोघांना जखमी अवस्थेत रुग्णालयात दाखल करण्यात आले. आरोपी घटनास्थळावरून फरार झाले होते. त्याचवेळी या प्रकरणातील सातही आरोपींना पोलिसांनी अटक केली आहे. तर एक आरोपी रुग्णालयात दाखल आहे. रुग्णालयातून डिस्चार्ज मिळताच त्याला अटक करण्यात येईल, असं पोलिस अधिकाऱ्याने सांगितलं.

पोलिसांनी सांगितले की, सात आरोपी आपल्या मित्रांसह चार वाहनांतून उद्योग विहार परिसरात येत होते. यादरम्यान आरोपींनी दारूच्या नशेत स्टंटबाजी करण्यास सुरुवात केली. स्टंट सुरू असताना दारूच्या दुकानाबाहेर उभ्या असलेल्या तिघांना कारने धडक दिली. या धडकेत एकाचा मृत्यू झाला. तर अन्य दोघे गंभीर जखमी झाले आहेत.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)