YouTuber Jyoti Malhotra Arrest: हेरगिरीच्या आरोपाखाली हरियाणामध्ये युट्यूबर ज्योती मल्होत्राला अटक; भारताची गोपनीय लष्करी माहिती पाकिस्तानला पाठवल्याचा आरोप
ज्योती मल्होत्रावर भारताची गोपनीय लष्करी माहिती पाकिस्तानला पाठवल्याचा आरोप आहे. ती पाकिस्तानची गुप्तचर संस्था आयएसआयच्या संपर्कात होती. महिला युट्यूबर ज्योती मल्होत्रा 2023 मध्ये तिच्या 'ट्रॅव्हल विथ जो' या युट्यूब चॅनलच्या शूटिंगसाठी पाकिस्तानला गेली होती.
YouTuber Jyoti Malhotra Arrest: भारतीय गुप्तचर माहिती पाकिस्तानला पाठवल्याच्या आरोपाखाली (India's Confidential Military Information) पोलिसांनी हरियाणातील हिसार येथून एका महिला युट्यूबरला अटक केली आहे. या महिला युट्यूबरचे नाव ज्योती मल्होत्रा (Jyoti Malhotra) आहे. ज्योती मल्होत्रावर भारताची गोपनीय लष्करी माहिती पाकिस्तानला पाठवल्याचा आरोप आहे. ती पाकिस्तानची गुप्तचर संस्था आयएसआयच्या संपर्कात होती. महिला युट्यूबर ज्योती मल्होत्रा 2023 मध्ये तिच्या 'ट्रॅव्हल विथ जो' या युट्यूब चॅनलच्या शूटिंगसाठी पाकिस्तानला गेली होती. जिथे ती पाकिस्तान दूतावासातील एका अधिकाऱ्याला भेटली. याच अधिकाऱ्याने ज्योती राणीची ओळख पाकिस्तानातील आयएसआय अधिकाऱ्यांशी करून दिली. त्यानंतर ती सतत भारतविरोधी माहिती पाकिस्तानला पाठवत होती.
युट्यूबर ज्योती राणीच्या 'ट्रॅव्हल विथ जो' या युट्यूब चॅनलवर 3 लाख 77 हजार सबस्क्राइबर्स आहेत. ती तिच्या व्हिडिओ ब्लॉगसाठी वारंवार देशाबाहेर प्रवास करते. पण जेव्हा ती पाकिस्तानात गेली तेव्हा तिने आयएसआयशी संपर्क स्थापित केला आणि त्यांच्या अधिकाऱ्यांना भारतीय गुप्तचर माहिती पुरवण्यास सुरुवात केली. जेव्हा युट्यूबर ज्योती राणी पाकिस्तानला गेली होती, तेव्हा तिने तिच्या युट्यूब चॅनलवर त्यावेळचा व्हिडिओ देखील अपलोड केला आहे. (हेही वाचा - Anti-Terror Operations In Kashmir: जम्मू-काश्मीरमध्ये 48 तासांत दोन विविध कारवाईत लष्कराने कसे घातले सहा दहशतवाद्यांना कंठस्नान)
हेरगिरीच्या आरोपाखाली हरियाणातील आणखी एका तरुणाला अटक -
दरम्यान, हरियाणाच्या कैथलमधील एका गावातील रहिवाशाला अलिकडच्या भारत-पाकिस्तान संघर्षादरम्यान पाकिस्तानी सैन्य आणि इंटर-सर्व्हिसेस इंटेलिजेंस (ISI) ला माहिती पुरवल्याच्या आरोपाखाली अटक करण्यात आली आहे. आरोपीचे नाव देवेंद्र ढिल्लन (25) असे आहे, जो मस्तगढ चीका गावचा रहिवासी आहे. डीएसपी कैथल विरभान यांनी सांगितले की, कैथल जिल्हा पोलिसांना गुप्तचर माहिती मिळाली होती ज्याच्या आधारे आमच्या विशेष गुप्तहेर पथकाने मस्तगढ चीका गावातील रहिवासी देवेंद्र याला अटक केली. देवेंद्र आयएसआयला 'ऑपरेशन सिंदूर' ची माहिती देत असे.
या प्रकरणाबाबत पुढे बोलताना कैथलचे डीएसपी वीरभान यांनी सांगितले की, देवेंद्रला ताब्यात घेतल्यानंतर त्याची चौकशी करण्यात आली. चौकशीदरम्यान त्याने सांगितले की तो भारत आणि पाकिस्तानमधील सुरू असलेल्या वादाची माहिती पाकिस्तानमधील एजन्सीला देत असे. देवेंद्र गेल्या काही काळापासून फेसबुकवर शस्त्रांसह फोटो पोस्ट करत होता. सुरुवातीला त्याला शस्त्रांमध्ये रस असल्याबद्दल अटक करण्यात आली. तथापि, चौकशीतून मोठे खुलासे झाले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)