Worlds First Real-Time Gold ATM: आता एटीएममधून प्राप्त करू शकता सोने; Hyderabad मध्ये सुरु झाली सेवा, जाणून घ्या काय आहे खास

देशात आतापर्यंत लोक फक्त एटीएममधून पैसेच काढत होते, परंतु आता देशात पहिल्यांदाच असे एटीएम बसवण्यात आले आहे ज्यातून तुम्ही सोन्याची नाणी (Gold ATM) काढू शकता. पैसे काढण्यासाठी असणाऱ्या सामान्य एटीएमसारखे दिसणारे हे एटीएम तेलंगणाची राजधानी हैदराबादमध्ये (Hyderabad) बसवण्यात आले आहे. सोने खरेदी-विक्रीचा व्यवसाय करणाऱ्या गोल्डकॉइन कंपनीने उभारलेले हे एटीएम सोन्याच्या नाण्यांचे वितरण करते. गोल्ड एटीएमद्वारे लोक त्यांच्या डेबिट किंवा क्रेडिट कार्डने सोन्याची नाणी खरेदी करू शकतात.

हे एटीएम गोल्डसिक्का (Goldsikka) हेड ऑफिस अशोक रघुपती चेंबर्स, प्रकाश नगर मेट्रो स्टेशन बेगमपेट येथे बसवण्यात आले आहे. गोल्ड एटीएममध्ये 5 किलो सोने ठेवण्याची क्षमता आहे. 0.5 ग्रॅम ते 100 ग्रॅम सोन्याच्या रकमेसाठी आठ पर्याय उपलब्ध आहेत. हे 0.5 ग्रॅम, 1 ग्रॅम, 2 ग्रॅम, 5 ग्रॅम, 10 ग्रॅम, 20 ग्रॅम, 50 ग्रॅम आणि 100 ग्रॅम पर्यायांमध्ये उपलब्ध आहे. गोल्डसिक्का प्रायव्हेट लिमिटेडने हैदराबाद स्थित स्टार्टअप कंपनी M/s OpenCube Technologies Pvt Ltd च्या तांत्रिक सहाय्याने 3 डिसेंबर रोजी आपले पहिले गोल्ड एटीएम लाँच केले. हे भारतातील आणि जगातील पहिले रिअल-टाइम गोल्ड एटीएम आहे. (हेही वाचा: Investment In India: परदेशी गुंतवणूकदारांनी भारताला त्यांच्या गुंतवणूक पोर्टफोलिओमध्ये समर्पित वाटप म्हणून केले अपग्रेड)

गोल्डकॉइन कंपनीचे उपाध्यक्ष प्रताप म्हणाले की, ‘गोल्डकॉइन लिमिटेड ही चार वर्षे जुनी कंपनी आहे. आम्ही बुलियन ट्रेडिंगमध्ये सहभागी आहोत. आमच्या सीईओला एटीएम मशीनद्वारे सोन्याची नाणी काढण्याची नवीन संकल्पना मिळाली. थोडे संशोधन केल्यावर आम्हाला कळले की हे शक्य आहे. आम्ही Opencube Technologies या स्टार्ट-अप कंपनीशी करार केला आहे. त्यांनी आणि आमच्या इन-हाऊस विभागाने तांत्रिक सहाय्याने त्याची रचना आणि विकास केला आहे.’

या एटीएमचे सर्वात मोठे वैशिष्ट्य म्हणजे त्यातून सोन्याची नाणी काढण्यासोबतच सोन्याची किंमत थेट अपडेट केली जाईल. लोक सोन्यात गुंतवणूक करत असून सोन्याची मागणी वाढत असल्याचे कंपनीचे म्हणणे आहे. हे लक्षात घेऊन हे गोल्ड एटीएम बसवण्यात आले आहे. या माध्यमातून लोकांना आता शुद्ध सोने सहज मिळणे शक्य आहे. गोल्ड एटीएमचा उद्देश ग्राहकांना सोने खरेदी करण्यासाठी 24x7 सुविधा उपलब्ध करून देणे हा आहे. गोल्ड एटीएममधून वितरित केलेली नाणी 24K सोने आणि 999 प्रमाणित आहेत. सोन्याची थेट किंमतही त्याच्या स्क्रीनवर दिसेल. लोक दागिन्यांच्या दुकानात जाण्याऐवजी येथे येऊन थेट नाणी घेऊ शकतात.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)