udyache Havaman | File Image

Weather Forecast Tomorrow: सध्या देशभरात पावसाळा पाहायला मिळत आहे. 14 ऑगस्ट ते 16 ऑगस्ट दरम्यान दिल्लीत मुसळधार पाऊस पडू शकतो, असे हवामान विभागाचे म्हणणे आहे. या काळात जोरदार वारे वाहण्याची शक्यता आहे. त्याच वेळी, स्कायमेट या हवामान मूल्यांकन संस्थेने उद्या म्हणजेच १४ ऑगस्टचा अंदाज जारी केला आहे. स्कायमेटच्या मते, पुढील २४ तासांत हरियाणा, दिल्ली, पूर्व आणि उत्तर राजस्थान, मध्य प्रदेश, छत्तीसगड, उत्तर प्रदेश आणि झारखंडच्या काही भागात मुसळधार पाऊस पडू शकतो. दरम्यान, ओडिशा, पश्चिम बंगाल, केरळ,  तामिळनाडू, दक्षिण कर्नाटक, दक्षिण आंध्र प्रदेश, लक्षद्वीप आणि अंदमान निकोबार बेटांवर हलक्या ते मध्यम पावसासह काही ठिकाणी मुसळधार पावसाची शक्यता आहे. हे देखील वाचा: 7th Pay Commission: महागाई भत्त्यात ३ टक्के वाढ निश्चित, केंद्रीय कर्मचाऱ्यांचे पगार वाढणार, जाणून घ्या, संपूर्ण माहिती

कोणत्या भागात हलक्या पावसाची शक्यता 

बिहार, झारखंड, ईशान्य भारत, विदर्भ, तेलंगणा, किनारी आंध्र प्रदेश, पंजाब, जम्मू आणि काश्मीर, उत्तराखंड, हिमाचल प्रदेश आणि गुजरातमध्ये हलका ते मध्यम पाऊस पडण्याची शक्यता आहे. सौराष्ट्र आणि कच्छ, महाराष्ट्र, आंध्र प्रदेशची दक्षिण किनारपट्टी, तमिळनाडू, लडाख आणि पश्चिम राजस्थानमध्ये हलका पाऊस पडण्याची शक्यता आहे.