उत्तर प्रदेशातील गाझियाबादमधील मोदीनगर पोलीस स्टेशन हद्दीतील लक्ष्मी नगर फफराना बस्ती ग्रीनलँडमध्ये होळीच्या सणावेळी डीजेवर नाचत असताना एका तरुणाचा मृत्यू झाल्याची घटना समोर आली आहे. मृत्यूचे कारण हृदयविकाराचा झटका असल्याचे सांगितले जात आहे. हा 30 वर्षीय युवक आपले आई-वडील आणि पुतण्यासोबत होळी साजरी करण्यासाठी दिल्लीहून मोदीनगरला आला होता. त्याचवेळी घरातील सर्व सदस्य गाण्याच्या तालावर नाचत होते. हा तरुणही सर्वांसोबत नाचत होता आणि त्याचवेळी नाचत असताना त्याला हृदयविकाराचा झटका आला व त्यामुळे त्याचा मृत्यू झाला. मिळालेल्या माहितीनुसार, विनीत कश्यप असे या तरुणाचे नाव असून तो दिल्लीतील एका फोटोग्राफरच्या दुकानात काम करत होता.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)