SC Bar Association On New Lady Justice Statue: 'हा एकतर्फी निर्णय'; न्यायदेवतेच्या पुतळ्यात बदल केल्याप्रकरणी एससी बार असोसिएशनची नाराजी

SC Bar Association On New Lady Justice Statue: सर्वोच्च न्यायालयाने (Supreme Court) न्यायदेवतेच्या मूर्तीत (New Lady Justice Statue) बदल केले. पुतळ्यावरील डोळ्याची पट्टी काढण्यात आली आहे. त्याचबरोबर हातात तलवारीऐवजी भारतीय राज्यघटनेची प्रत ठेवण्यात आली आहे. मात्र, हा बदल सर्वोच्च न्यायालय आणि सर्वोच्च न्यायालय बार असोसिएशन (Supreme Court Bar Association) ला आवडलेला नाही. सुप्रीम कोर्ट बार असोसिएशनने जुन्या पुतळ्यात केलेल्या बदलांवर आक्षेप व्यक्त केला. बार असोसिएशनचे म्हणणे आहे की, पुतळ्यात बदल करण्यापूर्वी आमच्या सदस्यांचा सल्ला घेण्यात आला नाही.

पुतळ्यातील बदलाची माहिती आम्हाला देण्यात आली नाही- बार असोसिएशन

या बदलाविरोधात सर्वोच्च न्यायालय बार असोसिएशनने एकमताने ठराव मंजूर केला आहे. सर्वोच्च न्यायालयातील न्यायमूर्तींच्या वाचनालयात एका हातात तराजू आणि दुसऱ्या हातात संविधान असलेली न्यायदेवतेची सहा फूट उंचीची नवीन मूर्ती बसवण्यात आली आहे. पांढरा पारंपारिक पोशाख परिधान केलेल्या 'न्याय देवीच्या' नवीन पुतळ्याला डोळ्यावर पट्टी बांधलेली नाही. या सर्व बदलावर आता बार असोसिएशनने आक्षेप घेतला आहे. पुतळ्यातील बदलाची माहिती आम्हाला देण्यात आली नाही, असं बार असोसिएशनने म्हटलं आहे. (हेही वाचा -New Justice Statue In Supreme Court: न्यायदेवतेच्या डोळ्यावरची पट्टी काढली, हातात तलवारीच्या जागी संविधान; सर्वोच्च न्यायालयात न्यायमूर्तींचा नवा पुतळा)

पूर्वीच्या न्यायदेवतेच्या डोळ्यांवर पट्टी होती. डोळ्यावर पट्टी बांधणे म्हणजे कायद्याची समानता. याचा अर्थ न्यायालये कोणताही भेदभाव न करता निर्णय देतात. त्याच वेळी, तलवार अधिकार आणि अन्याय शिक्षा करण्याची शक्ती प्रतीक होती. तथापी, आता सरन्यायाधीश डीवाय चंद्रचूड यांच्या आदेशानुसार न्यायदेवतेच्या पुतळ्यात बदल करण्यात आले आहे.

नवीन न्याय देवतेच्या डोळ्यावर पट्टी नसून कायदा आंधळा नसून कायदा सर्वांना समान वागणूक देतो, असे सरन्यायाधीशांचे मत आहे. याशिवाय न्यायदेवतेच्या हातातील तलवार काढून टाकण्यात आली असून आता न्यायदेवतेच्या हातात संविधान ठेवण्यात आले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)