Parliament Monsoon Session 2025: संसदेचे पावसाळी अधिवेशन 21 जुलै ते 12 ऑगस्ट दरम्यान होणार; किरण रिजिजू यांची माहिती
संसदेचे पावसाळी अधिवेशन 21 जुलै रोजी सुरू होईल आणि 12 ऑगस्ट 2025 रोजी संपेल. याबाबत केंद्रीय संसदीय कामकाज मंत्री किरेन रिजिजू (Kiren Rijiju) यांनी माहिती दिली आहे.
Parliament Monsoon Session 2025 Date: संसदेच्या पावसाळी अधिवेशनासंदर्भात (Parliament Monsoon Session 2025) मोठी बातमी समोर येत आहे. संसदेचे पावसाळी अधिवेशन 21 जुलै रोजी सुरू होईल आणि 12 ऑगस्ट 2025 रोजी संपेल. याबाबत केंद्रीय संसदीय कामकाज मंत्री किरेन रिजिजू (Kiren Rijiju) यांनी माहिती दिली आहे. तीन महिन्यांहून अधिक काळ विश्रांती घेतल्यानंतर लोकसभा आणि राज्यसभा दोन्ही 21 जुलै रोजी सकाळी 11 वाजता सुरू होतील.
संरक्षण मंत्री राजनाथ सिंह यांच्या अध्यक्षतेखालील संसदीय कामकाज मंत्रिमंडळ समितीने अधिवेशनाच्या तारखांची शिफारस केली आहे, असे रिजिजू यांनी पीटीआयने दिलेल्या वृत्तानुसार सांगितले. तथापि, संसदेचे अर्थसंकल्पीय अधिवेशन 31 जानेवारी रोजी सुरू झाले आणि 4 एप्रिल रोजी संपले.
संसदेचे पावसाळी अधिवेशन 21 जुलै ते 12 ऑगस्ट दरम्यान होणार -
दरम्यान, ऑपरेशन सिंदूरवर चर्चा करण्यासाठी विरोधी पक्षांच्या नेत्यांनी विशेष सत्र बोलावण्याच्या मागणीच्या पार्श्वभूमीवर संसदेच्या पावसाळी अधिवेशनासंदर्भात घोषणा करण्यात आली आहे. संसदीय नियमांनुसार पावसाळी अधिवेशनादरम्यान सर्व मुद्दे उपस्थित करता येतील, असं किरेन रिजिजू यांनी म्हटलं आहे.