Spurt in Covid Cases: यूएस, चीनमध्ये कोविड प्रकरणांमध्ये वाढ; केंद्राने जारी केली अॅडव्हायजरी, पॉझिटिव्ह रिपोर्ट्सचे Genome Sequencing वाढवण्याचा सुचना

जगातील अनेक देशांमध्ये कोरोना विषाणूच्या (Coronavirus) रुग्णांमध्ये अचानक वाढ झाल्याने केंद्र सरकार चिंतेत आहे. कोरिया, जपान, अमेरिका आणि चीनमध्ये कोरोनाची वाढती प्रकरणे पाहता केंद्राने एक अॅडव्हायजरी जारी केली आहे. केंद्राने राज्यांना पत्र लिहून जीनोम सिक्वेन्सिंगचे (Genome Sequencing) प्रमाण वाढवणे आणि त्यासाठी पॉझिटिव्ह रिपोर्ट्स पाठवण्यास सांगितले आहे. आरोग्य सचिव राजेश भूषण यांनी एनसीडीसी आणि आयसीएमआरला पत्र पाठवले आहे. या पत्रात जीनोम सिक्वेन्सिंगकडे विशेष लक्ष देण्याची सूचना करण्यात आली आहे.

जीनोम चाचणीद्वारे कोरोनाचे नवीन प्रकार ओळखले जातील. केंद्रीय आरोग्य सचिवांनी राज्ये आणि केंद्रशासित प्रदेशांना पत्र लिहिले आहे की जपान, अमेरिका, कोरिया, ब्राझील आणि चीनमधील प्रकरणांमध्ये अचानक झालेली वाढ पाहता, देशातील पॉझिटिव्ह रुग्णांच्या नमुन्यांचे जीनोम सिक्वेन्सिंग करणे आवश्यक आहे. भारतीय SARS-CoV-2 Genomics Consortium (INSACOG) नेटवर्कद्वारे कोरोनाच्या धोकादायक प्रकाराचा मागोवा घेण्यासाठी हे करणे आवश्यक आहे.

केंद्रीय आरोग्य सचिवांच्या म्हणण्यानुसार, सर्व राज्यांना विनंती करण्यात आली आहे की, शक्य तितक्या सर्व कोरोना पॉझिटिव्ह प्रकरणांचे नमुने दररोज INSACOG जीनोम सिक्वेन्सिंग लॅबोरेटरीज (IGSLs) कडे पाठवले जातील. या प्रयोगशाळा सर्व राज्ये आणि केंद्रशासित प्रदेशांसाठी मॅप केल्या आहेत. जगातील अनेक देशांमध्ये ज्या प्रकारे कोरोनाची प्रकरणे पुन्हा एकदा वाढत आहेत, ते पाहता कोविड-19 च्या या नव्या लाटेमागे कोरोनाचे कोणतेही नवीन रूप तर नाही ना, अशी भीती व्यक्त होत आहे. (हेही वाचा: ह्रदयविकारमुळे होणाऱ्या मृत्यूचं कारण कोरोना? महत्वपूर्ण संशोधनातून धक्कादायक माहिती पुढे)

दरम्यान, देशातील कोरोनाशी संबंधित प्रकरणांबद्दल बोलायचे झाले तर सध्या देशातील परिस्थिती सामान्य आहे. केंद्रीय आरोग्य मंत्रालयाने मंगळवारी (20 डिसेंबर) जारी केलेल्या आकडेवारीनुसार, गेल्या 24 तासांत देशात 112 नवीन रुग्ण आढळले आहेत. त्याच वेळी, सक्रिय प्रकरणांमध्ये देखील घट नोंदवली गेली. आता देशात कोरोनाच्या सक्रिय रुग्णांची संख्या 3490 झाली आहे. गेल्या 24 तासात कोरोना संसर्गामुळे 3 जणांचा मृत्यू झाला आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)