Food poisoning (Photo Credits: Pixabay)

सोमवारी एका 14 वर्षीय मुलीचा चिकन शावरमा खाल्ल्यानंतर अन्नातून विषबाधा होऊन मृत्यू झाल्यानंतर तमिळनाडूच्या मदुराई जिल्ह्यात अन्न सुरक्षा अधिकाऱ्यांच्या पथकाने मंगळवारी 90 शावरमा जॉइंट्सवर छापे टाकले. या मुलीच्या वडिलांनी रेस्टॉरंटमधून अनेक मांसाहारी पदार्थ घरी आणल्यानंतर मुलीने तिच्या कुटुंबासह चिकन शावरमा खाल्ला होता. या घटनेमुळे राज्याचे आरोग्य आणि कुटुंब कल्याण मंत्री मा सुब्रमण्यम यांनी सर्व हॉटेल्स आणि शावरमा जॉइंट्सच्या तपासणीचे आदेश देऊन तातडीने कारवाई करण्यास सांगितले आहे. अन्न सुरक्षा अधिकाऱ्यांच्या पथकाने मदुराई जिल्ह्यातील 90 शवरमा जॉइंट्सवर छापे टाकून कारवाई केली. (हेही वाचा - 'Touched Me Inappropriately': इंटर्नचा व्यवस्थापकावर लैंगिक छळाचा आरोप, एचआर आणि व्यवस्थापनाकडून निष्क्रियता, बेंगळुरु पोलिसांनी घेतली दखल)

त्यांच्या तपासणीनंतर, यापैकी दोन आस्थापना सील करण्यात आल्या आणि कारवाईचा एक भाग म्हणून 70 किलोग्राम चिकन जप्त करण्यात आले. मदुराई जिल्ह्याचे अन्न सुरक्षा अधिकारी जयरामा पांडियन म्हणाले, "आम्ही 90 दुकानांची तपासणी केली आणि 70 किलो चिकन जप्त केले. आम्ही दोन दुकाने सील केली आहेत." पोलिसांनी सोमवारी नोंदवले की त्याच रेस्टॉरंटमधील मांसाहारी जेवण खाल्ल्याने आणखी 13 वैद्यकीय विद्यार्थी आजारी पडले असून त्यांच्यावर उपचार सुरू आहेत.