Sensex 500 अंकांनी गडगडला, Exit Poll सरकारच्या विरोधात गेल्याचा परिणाम
आज सकाळी 478.59 अंकांनी घसरून 35,204.66 वर आला आहे. तर निफ्टी 185 अंकांनी कोसळला. निफ्टीची 10,508.70 अंकावर सुरूवात झाली आहे.
भारतातील 5 राज्यातील विधानसभा निवडणुकांच्या एक्झिट पोलचा (Exit Poll) परिणाम शेअर बाजारावरही दिसून आला आहे. आज (सोमवार) शेअर बाजारात मोठी घसरण दिसून आली आहे. सेन्सेक्स (Sensex) आज सकाळी 478.59 अंकांनी घसरून 35,204.66 वर आला आहे. तर निफ्टी 185 अंकांनी कोसळला. निफ्टीची 10,508.70 अंकावर सुरूवात झाली आहे.
नुकत्याच मिझोराम, राजस्थान, छत्तीसगड, तेलंगणा, मध्यप्रदेश या राज्यांचा एक्झिट पोल शुक्रवारी उशिरा जाहीर करण्यात आले आहेत. उद्या म्हणजे 11 डिसेंबरला या राज्यांच्या विधानसभा निवडणूकांचे निकाल घोषित होणार आहे.
Sensex at 35,204.66, down by 468.59 points. Nifty at 10,508.70, down by 185.00 points. pic.twitter.com/vY09lFdsTQ
— ANI (@ANI) December 10, 2018
सेंसेक्सच्या 30 पैकी 20 शेअर्स तेजीमध्ये आहेत. यामध्ये कोटक बॅंक (8.53 %), अडानी पोर्ट्स (2.71 %), बजाज ऑटो (2.23 %), इंफोसिस (1.92 %) एशियन पेंट्स (1.82 %)सर्वाधिक तेजीमध्ये आहेत.
रुपया घसरला
शेअर बाजारातील घसरणीचा परिणाम रूपयावरही झाला. अमेरिकन डॉलरच्या तुलनेत रुपया 71.41 पर्यंत पोहचला आहे. मागील महिन्यात नोव्हेंबर 20 च्या तुलनेत रुपयामध्ये झालेली घसरण सर्वात मोठी आहे.
(The above story first appeared on LatestLY on Dec 10, 2018 10:36 AM IST. For more news and updates on politics, world, sports, entertainment and lifestyle, log on to our website latestly.com).
