RRB Technicians Recruitment 2024: रेल्वेमध्ये होणार तंत्रज्ञ पदांची भरती; तब्बल 9000 पेक्षा जास्त रिक्त जागा, जाणून घ्या सविस्तर
माहितीनुसार, तंत्रज्ञ पदांसाठी सविस्तर भरती सूचना रेल्वे भरती मंडळाकडून फेब्रुवारी 2024 मध्ये म्हणजेच या महिन्यात प्रसिद्ध केली जाईल. त्याच वेळी, अर्ज भरण्याची प्रक्रिया मार्च-एप्रिल 2024 मध्ये सुरू होण्याची शक्यता आहे.
भारतीय रेल्वेमध्ये भरतीची (Indian Railways Recruitment) तयारी करणाऱ्या उमेदवारांसाठी आनंदाची बातमी आहे. भारतीय रेल्वे 2024 साठी तिची आरआरआर तंत्रज्ञ भरती मोहीम (RRB Technicians Recruitment 2024) सुरू करण्यासाठी सज्ज आहे. अहवालानुसार रेल्वेमध्ये विविध तांत्रिक शाखांमध्ये हजारो पदांसाठी भरती होणार आहे. भारतीय रेल्वेमध्ये करिअर करू इच्छिणाऱ्या तंत्रज्ञ आणि अभियंत्यांना यामुळे मोठी संधी मिळण्याची अपेक्षा आहे. रेल्वेमध्ये तंत्रज्ञांच्या 9000 हून अधिक पदांच्या भरतीसाठी लघु अधिसूचना जारी करण्यात आली आहे. उमेदवार भारतीय रेल्वेच्या वेबसाइट indianrailways.gov.in वर जाऊन या भरतीसाठी अर्ज करू शकतात.
माहितीनुसार, तंत्रज्ञ पदांसाठी सविस्तर भरती सूचना रेल्वे भरती मंडळाकडून फेब्रुवारी 2024 मध्ये म्हणजेच या महिन्यात प्रसिद्ध केली जाईल. त्याच वेळी, अर्ज भरण्याची प्रक्रिया मार्च-एप्रिल 2024 मध्ये सुरू होण्याची शक्यता आहे. तर, या पदांसाठी संगणक आधारित परीक्षा ऑक्टोबर ते डिसेंबर 2024 दरम्यान घेतली जाऊ शकते. मात्र, रेल्वे भरती बोर्डाने अधिकृत तारखांबाबत अद्याप कोणतीही अधिकृत घोषणा केलेली नाही.
रेल्वे भरती मंडळाच्या या भरतीअंतर्गत, तंत्रज्ञ पदासाठी अर्ज करण्यासाठी, उमेदवारांचे किमान वय 18 असावे, तर कमाल वयोमर्यादा 33 वर्षे निश्चित करण्यात आली आहे. (हेही वाचा: PM Modi on Interim Budget 2024: 'यंदाचं बजेट देशाच्या निर्माणाचं बजेट'- पंतप्रधान मोदींनी अर्थमंत्री निर्मला सीतारमण यांच्या अंतरिम अर्थसंकल्पाचे केले कौतुक)
रेल्वेमध्ये तंत्रज्ञ पदांसाठी अर्ज करणाऱ्या उमेदवारांनी मान्यताप्राप्त बोर्डातून मॅट्रिक, एसएसएलसी किंवा समकक्ष परीक्षा उत्तीर्ण केलेली असावी. याशिवाय, संबंधित ट्रेडमध्ये नोंदणीकृत NSVT/SCVT संस्थेचे ITI प्रमाणपत्र असणे देखील आवश्यक आहे.
सध्या आरआरआर चंदीगडने या संदर्भात तात्पुरते वेळापत्रक जारी केले आहे. अशा परिस्थितीत आता रेल्वे भरती मंडळाच्या rrbcdg.gov.in या वेबसाइटवर कधीही नोटीस जारी केली जाऊ शकते. दरम्यान, भारतीय रेल्वेमध्ये असिस्टंट लोको पायलटच्या ५६९६ जागा रिक्त आहेत. यासाठी ऑनलाइन अर्ज करण्याची शेवटची तारीख १९ फेब्रुवारी २०२४ आहे. रेल्वे भर्ती बोर्डाने म्हटले आहे की सहाय्यक लोको पायलट भरतीसाठी CBT-1 जूनमध्ये आयोजित केले जाऊ शकते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)