Rahul Gandhi On Election Commission Reply: ‘महाराष्ट्रातील मतदान केंद्रांचे CCTV फुटेज जारी करा’; राहुल गांधी यांचे निवडणूक आयोगाच्या प्रत्युत्तर

Rahul Gandhi On Election Commission Reply: लोकसभेतील विरोधी पक्षनेते आणि काँग्रेस खासदार राहुल गांधी (Rahul Gandhi) यांनी निवडणूक आयोगाच्या (Election Commission) उत्तरावर जोरदार निशाना साधला आहे. निवडणूक आयोगाने राहुल गांधी यांचे प्रश्न हास्यास्पद म्हटले होते. ज्यावर राहुल गांधींनी म्हटलं आहे की, टाळाटाळ करणाऱ्या नोट्स देणे हा प्रश्नांची उत्तरे देण्याचा मार्ग नाही.

राहुल गांधी यांनी एक्सवर यासंदर्भात केलेल्या पोस्टमध्ये म्हटलं आहे की, 'प्रिय निवडणूक आयोग! तुम्ही एक संवैधानिक संस्था आहात. स्वाक्षरीशिवाय मध्यस्थांना टाळाटाळ करणाऱ्या नोट्स देणे हा प्रश्नांची उत्तरे देण्याचा मार्ग नाही. जर तुमच्याकडे लपवण्यासारखे काही नसेल, तर माझ्या लेखात दिलेल्या प्रश्नांची उत्तरे द्या.' (हेही वाचा - CM Devendra Fadnavis On Rahul Gandhi: 'याचा अर्थ राहुल गांधींनी बिहारमध्ये आपला पराभव स्वीकारला आहे...', महाराष्ट्र निवडणूक हेराफेरीच्या आरोपांवर मुख्यमंत्री देवेंद्र फडणवीस यांची प्रतिक्रिया)

दरम्यान, राहुल गांधी यांनी म्हटलं आहे की, 'महाराष्ट्रासह सर्व राज्यांच्या लोकसभा आणि विधानसभेच्या अलिकडच्या निवडणुकांसाठी एकत्रित, डिजिटल, मशीन-रीडेबल मतदार याद्या प्रकाशित करून त्या सिद्ध करा. संध्याकाळी 5 नंतर महाराष्ट्रातील मतदान केंद्रांवरील सर्व सीसीटीव्ही फुटेज जारी करा. टाळाटाळ केल्याने तुमची विश्वासार्हता जपली जाणार नाही. सत्य बोलल्याने तुमची विश्वासार्हता जपली जाईल.'

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)