Who is Jasdeep Singh Gill: कोण आहेत जसदीप सिंग गिल? Baba Gurinder Singh Dhillon यांचा उत्तराधिकारी आणि RSSB च्या नव्या प्रमुखाची निवड

राधा स्वामी सत्संग ब्यास (Radha Soami Satsang Beas) चे प्रमुख बाबा गुरिंदर सिंह ढिल्लों (Gurinder Singh Dhillon) यांनी आपला उत्तराधिकारी निवडला आहे. राधा स्वामी सत्संग न्यासा (RSSB) कडून प्रसिद्धीस देण्यात आलेल्या अधिकृत निवेदनानुसार जसदीप सिंह गिल (Jasdeep Singh Gill) यांची हे बाबांचे उत्तराधिकाी असून, डेरा राधा स्वामीचे नवे प्रमुख असणार आहेत. बाबा ढिल्लों हे प्रदीर्घ काळापासून हृदयविकाराच्या त्रासाने ग्रस्त आहेत. दरम्यानच्या काळात उत्तराधिकारी शोधण्याचे त्यांचे काम सुरु होते. जे पूर्ण झाले असून त्याची अधिकृत घोषणाही करण्यात आली आहे.

डेरा राधा स्वामीकडून अधिकृत निवेदन जारी

RSSB सचिव देवेंद्र कुमार सिक्री यांनी सोमवारी प्रसिद्धीस दिलेल्या अधिकृत निवेदानामध्ये सोमवारी प्रसिद्ध नामांकनाची पुष्टी करण्यात आली. निवेदनात म्हटले आहे की, बाबा गुरिंदर सिंग ढिल्लन यांनी 2 सप्टेंबर 2024 पासून राधा स्वामी सत्संग ब्यास सोसायटीचे संरक्षक म्हणून सुखदेव सिंग गिल यांचा मुलगा जसदीप सिंग गिल यांना नामनिर्देशित केले आहे. सिक्री पुढे म्हणाले, जसदीप सिंग गिल हे राधा स्वामी सत्संग ब्यास सोसायटीचे संत सतगुरु म्हणून बाबा गुरिंदर सिंग ढिल्लन यांच्यानंतर दिक्षा (नाम) द्यायचे अधिकार घेतील. बाबा जी यांनी संगत (मंडळी) साठी त्यांची इच्छा व्यक्त केली आहे  की, जसदीपसिंग गिल यांना हुजूर महाराजांच्या उत्तरार्धानंतर मिळालेले प्रेम आणि पाठिंबा त्यांना द्या.

जसदीप सिंग गिल यांचे शिक्षण आणि व्यावसायिक पार्श्वभूमी

अनुभव:   वयवर्षे 45 असलेले जसदीप सिंग गिल हे उच्च शिक्षित आहेत. त्यांच्याकडे आरोग्य सेवा आणि औषधनिर्माण उद्योगातील त्यांच्या व्यापक अनुभव आहे. त्यांनी आरोग्य सेवा डेटा आणि विश्लेषणातील जागतिक आघाडीच्या IQVIA येथे दक्षिण आशियासाठी वरिष्ठ अधिकारी आणि सल्लागार प्रमुख म्हणून काम केले आहे. अलीकडेच ते सिप्ला लिमिटेडमध्ये मुख्य स्ट्रॅटेजी ऑफिसर आणि वरिष्ठ व्यवस्थापन कर्मचारी म्हणून पदावरुन पायउतार झाले. या पदावर त्यांनी 2019 ते 31 मे 2024 पर्यंत काम केले. गिल यांनी एथ्रिस आणि अचिरा लॅब्स प्रायव्हेट लिमिटेडसाठी बोर्ड निरीक्षक म्हणूनही पदे भूषवली आणि ते बोर्ड सदस्य होते.

गिल यांनी केंब्रिज विद्यापीठातून रासायनिक अभियांत्रिकीमध्ये पीएचडी आणि मॅसॅच्युसेट्स इन्स्टिट्यूट ऑफ टेक्नॉलॉजी (MIT) मधून केमिकल अभियांत्रिकीमध्ये पदव्युत्तर पदवी एका एक्सचेंज प्रोग्राम अंतर्गत घेतली आहे. त्यांनी इंडियन इन्स्टिट्यूट ऑफ टेक्नॉलॉजी (IIT), दिल्ली येथून बायोकेमिकल इंजिनीअरिंग आणि बायोटेक्नॉलॉजीमध्ये बॅचलर आणि पदव्युत्तर पदवी मिळवली.

जसदीप सिंग गिल यांनी संस्थेचे ध्येय पुढे चालू ठेवण्यासाठी आपल्या नवीन भूमिकेत पाऊल टाकल्यामुळे RSSB समुदायाने हा नवीन अध्याय त्याच समर्पण आणि आध्यात्मिक उत्साहाने स्वीकारावा अशी अपेक्षा ठेवली आहे.