Pune Metro Line 3: हिंजवडी ते शिवाजीनगर मेट्रो येत्या काही दिवसांत होणार सुरू, पाहा तुमच्या जवळचे स्टेशन कोणते, सर्व 23 स्थानकांची यादी

What are the stations on the Pune Metro Line 3? पुणे शहर आणि पिंपरी-चिंचवड परिसरातील वाहतूक कोंडी फोडण्यासाठी पुणे मेट्रो लाईन ३ हा प्रकल्प अत्यंत महत्त्वाचा मानला जात आहे. पुणे महानगर प्रदेश विकास प्राधिकरण (PMRDA) आणि पुणे आयटी सिटी मेट्रो रेल लिमिटेड यांच्या संयुक्त विद्यमाने २३.३ किलोमीटर लांबीचा हा संपूर्ण उन्नत (Elevated) मार्ग विकसित केला जात आहे. हा मार्ग प्रमुख माहिती तंत्रज्ञान केंद्र असलेल्या हिंजवडीला मध्यवर्ती पुण्यातील शिवाजीनगर (जिल्हा न्यायालय) परिसराशी थेट जोडणार आहे.

मेट्रो लाईन ३ वरील स्थानकांची संपूर्ण यादी

माण डेपो ते शिवाजीनगर जिल्हा न्यायालय दरम्यान एकूण २३ स्थानके असणार आहेत. या स्थानकांची नावे खालीलप्रमाणे आहेत:

माण (Maan / Megapolis Circle)

माण - एमआयडीसी सर्कल, फेज २ (Maan - MIDC Circle, Phase II)

माण बस डेपो (Maan Bus Depot)

हिंजवडी फेज २ - सर्कल २ (Hinjawadi Phase II - Circle II)

हिंजवडी फेज २ - सर्कल १ (Hinjawadi Phase II - Circle I)

पद्मभूषण चौक (Padmabhushan Chowk)

श्री शिवछत्रपती शिवाजी महाराज चौक, हिंजवडी (Shree Shiv Chhatrapati Shivaji Maharaj Chowk, Hinjawadi)

हिंजवडी फेज १ (Hinjawadi Phase I)

वाकड चौक (Wakad Chowk)

श्री शिवछत्रपती क्रीडा संकुल, म्हाळुंगे / बालेवाडी स्टेडियम (Balewadi Stadium)

मिटकॉन बालेवाडी (Mitcon Balewadi)

आर. के. लक्ष्मण म्युझियम, बालेवाडी (R K Laxman Museum Balewadi)

बालेवाडी हायस्ट्रीट (Balewadi High Street)

बालेवाडी फाटा (Balewadi Phata)

बाणेर गाव (Baner Gaon)

बाणेर (Baner)

कृषी अनुसंधान (Krushi Anusandhan)

सकाळ नगर (Sakal Nagar)

सावित्रीबाई फुले पुणे विद्यापीठ (Savitribai Phule Pune University)

रिझर्व्ह बँक ऑफ इंडिया (Reserve Bank of India)

कृषी महाविद्यालय (Agriculture College)

शिवाजीनगर (Shivajinagar)

जिल्हा न्यायालय / सिव्हिल कोर्ट (District Court / Civil Court)

दोन टप्प्यांत सेवा सुरू करण्याचे नियोजन

प्रकल्पाचे काम वेगाने पूर्ण करण्यासाठी हा मार्ग दोन टप्प्यांत सुरू करण्याचे नियोजन आहे. पहिल्या टप्प्यात माण डेपो ते बालेवाडी (आर. के. लक्ष्मण म्युझियम) दरम्यानच्या स्थानकांवरून मेट्रो धावेल. त्यानंतर दुसऱ्या टप्प्यात बालेवाडी ते शिवाजीनगर जिल्हा न्यायालय दरम्यानचा उर्वरित मार्ग कार्यान्वित केला जाईल.

इतर मेट्रो मार्गांशी कनेक्टिव्हिटी आणि प्रवासाचा वेळ

या मार्गाचा शेवटचा थांबा जिल्हा न्यायालय (सिव्हिल कोर्ट) येथे असल्याने, हा मार्ग महामेट्रोच्या पर्पल लाईन (पिंपरी ते स्वारगेट) आणि अ‍ॅक्वा लाईन (वनाज ते रामवाडी) या दोन्ही मार्गांशी जोडला जाणार आहे. यामुळे शहरातील इतर भागांतून हिंजवडी आयटी पार्ककडे जाणाऱ्या प्रवाशांना एकाच ठिकाणाहून लाईन बदलण्याची सुविधा मिळेल.

रस्त्यावरून गर्दीच्या वेळी दीड ते दोन तास लागणारे हे अंतर मेट्रोमुळे अवघ्या ३५ ते ४० मिनिटांत पार करणे शक्य होणार आहे. आधुनिक सिग्नलिंग यंत्रणा आणि अत्याधुनिक वातानुकूलित डब्यांसह उभारल्या जाणाऱ्या या प्रकल्पामुळे हिंजवडी आणि बाणेर परिसरातील रस्ते वाहतुकीवरील ताण लक्षणीयरीत्या कमी होणार आहे.