Maha Kumbh 2025: 'महाकुंभामुळे उत्तर प्रदेशच्या अर्थव्यवस्थेत 3 लाख कोटींची वाढ होणार'; मुख्यमंत्री योगी आदित्यनाथ यांचा दावा

Maha Kumbh 2025: उत्तर प्रदेशात सुरू असलेल्या कुंभमेळ्यात (Mahakumbh 2025) दररोज लाखो भाविक सहभागी होत आहेत. कुंभमेळ्यामुळे उत्तर प्रदेशच्या अर्थव्यवस्थेला (Uttar Pradesh Economy) मोठी चालना मिळणार असल्याचा दावा मुख्यमंत्री योगी आदित्यनाथ (CM Yogi Adityanath) यांनी केला आहे. त्यांनी शुक्रवारी विधानसभेत अर्थसंकल्पीय अधिवेशनादरम्यान समाजवादी पक्षावर (सपा) जोरदार टीका केली. योगी आदित्यनाथ यांनी सपा आमदार रागिनी सोनकर यांच्या आर्थिक प्रश्नाचे उत्तर दिले. यासंदर्भात बोलताना मुख्यमंत्री योगी म्हणाले की, उत्तर प्रदेशने 1 ट्रिलियन डॉलर्सची अर्थव्यवस्था निर्माण करण्याचे लक्ष्य ठेवले आहे. भारत 3 ट्रिलियन नव्हे तर 5 ट्रिलियन अर्थव्यवस्था बनण्याच्या दिशेने वाटचाल करत आहे. राज्यात महाकुंभ मेळ्याचा कार्यक्रम आयोजित करण्यात आला असून महाकुंभामुळे उत्तर प्रदेशची अर्थव्यवस्था 3 लाख कोटी रुपयांनी वाढणार आहे.

भारत जगातील पाचवी सर्वात मोठी अर्थव्यवस्था -

मुख्यमंत्री योगी आदित्यनाथ यांनी म्हटलं आहे की, 'तुमचे नेते म्हणतात की भारत कधीही विकसित होऊ शकत नाही, हे तुमचे दुःख मी समजू शकतो. तुम्ही त्यांचे नक्कीच पालन कराल. आज भारत जगातील पाचवी सर्वात मोठी अर्थव्यवस्था बनला आहे. 2027 मध्ये भारत 5 ट्रिलियन अर्थव्यवस्था असलेला देश बनेल. यात काही शंका नाही. (हेही वाचा - Prayagraj Mahakumbh Stampede: कुंभमेळ्यातील चेंगराचेंगरीची Judicial Inquiry होणार; Chief Minister Yogi Adityanath यांची माहिती)

काही लोकांना हे आवडणार नाही हे शक्य आहे. कारण त्यांचा स्वतःचा वैयक्तिक अजेंडा आहे. तो देशाचा विकास स्वीकारणार नाही. पंतप्रधान मोदींच्या मार्गदर्शनाखाली भारताने एक व्यापक कार्यक्रम विस्तारित केला आहे. त्याच क्रमाने, उत्तर प्रदेशनेही 2022 पासून 10 क्षेत्रांमध्ये विभागून कार्यक्रम सुरू केले आहेत. याचा आढावा दरमहा सीएम डॅशबोर्डमध्ये घेतला जातो. तसेच मी दर 3 महिन्यांनी त्याचा आढावा घेतो, असंही यावेळी योगी यांनी सांगितलं. (हेही वाचा - Mahakumbh 2025: उत्तर प्रदेशचे मुख्यमंत्री Yogi Adityanath आणि भूतानचे राजा Jigme Khesar Namgyel Wangchuck यांचे त्रिवेणी संगमात स्नान; अक्षयवटचे दर्शन घेतल्यानंतर, हनुमान मंदिरात पूजा (See Photo))

उत्तर प्रदेश 27 लाख कोटींची अर्थव्यवस्था बनणार -

योगी आदित्यनाथ पुढे बोलताना म्हणाले की, 2017 मध्ये आमचे सरकार आले तेव्हा अर्थव्यवस्था 12 लाख कोटी रुपयांची होती. या आर्थिक वर्षाच्या अखेरीस, ती 27.5 लाख कोटी रुपयांची अर्थव्यवस्था म्हणून उदयास येईल. उत्तर प्रदेशचा विकास दर हा देशातील सर्वोत्तम विकास दर असल्याचेही यावेळी मुख्यमंत्री योगी नमूद केले.

महाकुंभामुळे अर्थव्यवस्थेत 3 लाख कोटींची वाढ -

पंतप्रधानांच्या नेतृत्वाखाली भारताने 10 वर्षांत 25 कोटी लोकांना दारिद्र्यरेषेतून बाहेर काढण्याचे काम केले आहे. त्याचप्रमाणे, उत्तर प्रदेश सरकारने 10 वर्षांत 6 कोटी लोकांना गरिबीतून वाचवले आहे. केवळ महाकुंभाच्या आयोजनामुळे उत्तर प्रदेशच्या अर्थव्यवस्थेत 3 लाख कोटी रुपयांची वाढ होणार आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)