IMD Weather Forecast: भारताच्या दक्षिणेला Heavy Rainfall, उत्तरेला उष्णतेची लाट; आयएमडीने वर्तवला हवामान अंदाज; घ्या जाणून

Latest Weather News: भारतामध्ये एका बाजूला प्रचंड उष्णता तर दुसऱ्या बाजूला तितक्याच तीव्रतेचा गारवा पाहायला मिळतो आहे. काही भागांमध्ये हलका ते मध्य तर काही ठिकाणी अगदीच मुसळधार पाऊस (Heavy Rain) कोसळतो आहे. या पर्श्वभूमीवर भारतीय हवामान विभागाने पर्जन्यवृष्टी आणि वाढत्या तापमानाबाबत भाकीत केले आहे. आयएमडाने हवामान अंदाज (IMD Weather Forecast) वर्तवताना केरळ, आंध्र प्रदेश आणि कर्नाटकसह अनेक दक्षिणेकडील राज्यांसाठी 28 मे पर्यंत अतिवृष्टीचा इशारा जारी केला आहे. त्याच बरोबर उत्तर आणि मध्य प्रदेशात उष्णतेची लाट (Heat Wave) येण्याची शक्यता असल्याचे म्हटले आहे.

दक्षिण भारत हवामान अंदाज

आयएमडीने वर्तवलेल्या अंदाजानुसार, 24 ते 26 मे या कालावधीत केरळ, माहे, लक्षद्वीप आणि कर्नाटकात किनारपट्टी लगतच्या भागात गडगडाटी वादळे, विजांचा कडकडाट आणि सोसाट्याचा वारा यांसह हलका ते मध्यम पाऊस पडण्याची शक्यता आहे. आंध्र प्रदेश किनारपट्टी आणि यानम, रायलसीमा, तेलंगणा आणि अंतर्गत कर्नाटकात सारख्याच हवामानासह तुरळक स्वरुपात हलक्या ते मध्यम पाऊस पडण्याची शक्यता आहे. या ठिकाणी  तापमान स्थिर राहील. दरम्यान, केरळमध्ये 24 ते 27 मे या कालावधीत मुसळधार पाऊस पडण्याची शक्यता आहे. अंदमान आणि निकोबार बेटांवर 25 मे पर्यंत हलका ते मध्यम पाऊस पडण्याचा अंदाज आहे. (हेही वाचा, Heat Wave in Pakistan: पाकिस्तानमध्ये उष्णतेच्या लाटेचा कहर; हजारो नागरिक रुग्णालयात दाखल, तापमानाचा पारा 51 अंशांपर्यंत जाण्याची शक्यता)

उत्तर भारत हवामान अंदाज

पश्चिम बंगालच्या किनारपट्टीच्या जिल्ह्यांमध्ये 26 आणि 27 मे रोजी हलका ते मध्यम पाऊस पडण्याची अपेक्षा आहे. काही ठिकाणी मुसळधार ते अतिवृष्टी सदृश्य पडेल. उत्तर कोस्टल ओडिशात 25 आणि 26 मे रोजी अचानक मुसळधार पाऊस पडण्याची शक्यता आहे. उप-हिमालयीन पश्चिम बंगालच्या पूर्वेकडील जिल्ह्यांमध्ये 27 ते 28 मे पर्यंत हलका ते मध्यम पाऊस पडेल आणि वेगळ्या ठिकाणी मुसळधार ते अति मुसळधार पाऊस पडेल असा अंदाज आहे. (हेही वाचा, Heat Wave and Weather Forecast: भारतामध्ये उष्णतेची तीव्र लाट, राजस्थानमध्ये तापमान 48.8 डिग्री सेल्सिअसपर्यंत वाढले; जाणून घ्या हवामान अंदाज)

एक्स पोस्ट

Observed Maximum Temperature Dated 24.05.2024 #maximumtemperature #weatherupdate@moesgoi @DDNewslive @ndmaindia @airnewsalerts pic.twitter.com/G0OrVDJbCI

— India Meteorological Department (@Indiametdept) May 24, 2024

ईशान्य भारत हवामान अंदाज

मिझोराम, त्रिपुरा आणि दक्षिण मणिपूरमध्ये 26 मे रोजी हलका ते मध्यम पाऊस पडण्याची अपेक्षा आहे. काही ठिकाणी मुसळधार ते अति मुसळधार पाऊस पडेल. 27 ते 28 मे पर्यंत, आसाम, मेघालय, अरुणाचल प्रदेश, नागालँड, मिझोराम, मणिपूर आणि त्रिपुरामध्ये हलका ते मध्यम पाऊस पडण्याची शक्यता आहे. 27 आणि 28 मे रोजी आसाम आणि मेघालय, 28 मे रोजी अरुणाचल प्रदेश आणि 27 मे रोजी मिझोराम आणि त्रिपुरामध्ये अतिवृष्टीचा अंदाज आहे. (हेही वाचा, Weather Forecast for Monsoon: उष्णतेच्या लाटेवर मान्सूनचे पाणी, तापमान घटणार, जाणून घ्या हवामान अंदाज)

एक्स पोस्ट

नागालैंड, मणिपुर, मिजोरम और त्रिपुरा में 27 मई को अत्यंत भारी वर्षा (>204.4 मिलीमीटर) जबकि 26 और 28 मई, 2024 को भारी से बहुत भारी वर्षा (115.5-204.4 मिलीमीटर) होने की संभावना है।#rainfallalert #weatherupdate #rainnews@moesgoi@DDNewslive@ndmaindia@airnewsalerts pic.twitter.com/4ux85jfJsB

— India Meteorological Department (@Indiametdept) May 24, 2024

उष्णतेच्या लाटेची स्थिती

जम्मू विभाग, हिमाचल प्रदेश, पूर्व मध्य प्रदेश आणि विदर्भातील एकाकी भागात 28 मे पर्यंत उष्णतेची लाट अपेक्षित आहे. गुजरात राज्यातही या काळात अशीच परिस्थिती अनुभवण्याची अपेक्षा आहे. पूर्व उत्तर प्रदेशात 26 ते 28 मे या कालावधीत उष्णतेची लाट येण्याची शक्यता आहे, तर पश्चिम मध्य प्रदेशात 27 आणि 28 मे रोजी उष्णतेची लाट येण्याची शक्यता आहे. राजस्थान 24 ते 28 मे या कालावधीत उष्णतेची लाट सहन करणार आहे. पंजाब, हरियाणा-चंदीगड आणि पश्चिम उत्तर प्रदेशच्या काही भागांसह या कालावधीत ही परिस्थिती अनुभवण्याची शक्यता आहे. पश्चिम मध्य प्रदेशात 24 ते 26 मे दरम्यान दिल्लीसह 28 मे पर्यंत उष्णतेची लाट जाणवू शकते.

(The above story first appeared on LatestLY on May 25, 2024 12:30 PM IST. For more news and updates on politics, world, sports, entertainment and lifestyle, log on to our website latestly.com).