Flight Delay: प्रवाशांची गैरसोय दूर करण्यासाठी 6 मेट्रो विमानतळांवर उभारल्या जाणार 'वॉर रूम'; Jyotiraditya Scindia यांनी जारी केला अॅक्शन प्लॅन
उड्डाणांच्या विलंबावर स्पष्टीकरण देताना, सोमवारी सिंधिया म्हणाले होते की, विमानतळावरील कर्मचारी फ्लाइट ऑपरेशन्स आयोजित करण्यासाठी 24 तास काम करत आहेत. दिल्लीतील अभूतपूर्व धुक्यामुळे उड्डाणे प्रभावित होत आहेत, मात्र लवकरच आवश्यक पावले उचलली जातील.
War Rooms at Metro Airports: दिल्ली-एनसीआरसह संपूर्ण उत्तर भारतात थंडीची लाट आणि धुक्यामुळे रेल्वे आणि उड्डाण सेवांवर वाईट परिणाम झाला आहे. नुकतेच इंडिगोच्या विमानाला (Indigo Flights) 12 तासांपेक्षा जास्त उशीर झाल्याची बातमी समोर आली होती. याचा एक व्हिडिओही सोशल मीडियावर व्हायरल होत आहे. या व्हिडिओमध्ये लोक विमानाजवळ रनवेवर बसून जेवण करताना दिसत आहेत. अशात आता केंद्रीय नागरी विमान वाहतूक मंत्री ज्योतिरादित्य सिंधिया (Jyotiraditya Scindia) यांनी धुक्यामुळे उड्डाणांना होणारा विलंब हाताळण्यासाठी नवीन नियम जारी केले आहेत.
त्यांनी एअरलाइन्ससाठी स्टँडर्ड ऑपरेटिंग प्रोसिजर (SOP) तसेच 6-पॉइंट अॅक्शन प्लॅन देखील जारी केला आहे. गेल्या काही दिवसांपासून दाट धुक्यामुळे शेकडो उड्डाणे प्रभावित झाली आहेत, त्यामुळे प्रवाशांना मोठ्या अडचणींचा सामना करावा लागत आहे आणि हिंसक घटनाही घडली आहे.
सिंधिया यांनी ट्विट केले की, धुक्यामुळे होणारे व्यत्यय लक्षात घेऊन काल सर्व विमान कंपन्यांना नवीन एसओपी जारी करण्यात आले. ते म्हणाले की, एसओपीव्यतिरिक्त 6 कलमी कृती आराखडा देखील बनवला आहे. या अंतर्गत सर्व 6 मेट्रो शहरांच्या विमानतळांना दिवसातून तीन वेळा घटनांची माहिती सरकारला द्यावी लागेल. यासह, नागरी विमान वाहतूक महासंचालनालयाच्या (DGCA) निर्देशांच्या अंमलबजावणीवरही देखरेख ठेवली जाईल आणि अहवाल दिला जाईल.
प्रवाशांच्या गैरसोयीच्या कोणत्याही समस्येचे त्वरित निराकरण करण्यासाठी विमानतळ आणि एअरलाइन ऑपरेटरना सर्व 6 मेट्रो विमानतळांवर 'वॉर रूम' स्थापन करण्यात येणार आहेत. सोबतच पुरेशा केंद्रीय औद्योगिक सुरक्षा दलांची (CISF) उपलब्धता देखील नेहमी सुनिश्चित केली जाईल. याशिवाय दिल्ली विमानतळावरील रनवे 29 CAT-3 कार्यान्वित करण्यात आला आहे. रनवे 10/28 देखील आवश्यक सुधारणांसह CAT-3 म्हणून ऑपरेट केला जाईल. (हेही वाचा: Dinner On The Runway: इंडिगोच्या गोवा-दिल्ली फ्लाइटला उशीर झाल्यानंतर प्रवाशांनी रनवेवर विमानाशेजारी केले जेवण, व्हिडिओ व्हायरल)
उड्डाणांच्या विलंबावर स्पष्टीकरण देताना, सोमवारी सिंधिया म्हणाले होते की, विमानतळावरील कर्मचारी फ्लाइट ऑपरेशन्स आयोजित करण्यासाठी 24 तास काम करत आहेत. दिल्लीतील अभूतपूर्व धुक्यामुळे उड्डाणे प्रभावित होत आहेत, मात्र लवकरच आवश्यक पावले उचलली जातील. दरम्यान, गेल्या काही दिवसांपासून दिल्लीत दाट धुक्यामुळे शेकडो उड्डाणे प्रभावित झाली आहेत, त्यामुळे प्रवाशांची प्रचंड गैरसोय होत आहे. आजही इंदिरा गांधी आंतरराष्ट्रीय विमानतळावरून 30 उड्डाणांना उशीर झाला, तर 17 उड्डाणे कमी दृश्यमानतेमुळे रद्द करण्यात आली. सोमवारी दाट धुक्यामुळे 110 उड्डाणे विलंबाने तर 79 उड्डाणे रद्द करण्यात आली.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)