Photo Credit- X

Kulgam Encounter: मंगळवारीही कुपवाडा जिल्ह्यातील नागमार्ग भागात सुरक्षा दल आणि दहशतवाद्यांमध्ये चकमक (Gunfight)झाली. दोन दहशतवादी लपून बसल्याचा संशय होता. सुरक्षा दलांनी संपूर्ण परिसराला वेढा घातला आणि मंगळवारी रात्री उशिरापर्यंत शोध घेतला, मात्र दहशतवादी सापडले नाहीत. उत्तर काश्मीरमध्ये गेल्या 8 दिवसांतील ही सहावी चकमक आहे. यापूर्वी बांदीपोरा, कुपवाडा आणि सोपोरमध्ये चकमकी झाल्या आहेत. याआधीही 10 नोव्हेंबरला किश्तवाडमधील केशवानच्या जंगलात चकमक झाली होती. (Kulgam Encounter: कुलगाम चकमकीत दोन दहशतवादी ठार, लष्कराचे 4 जवान आणि एक पोलिस अधिकारी जखमी; शोध मोहीम सुरूच)

सुरक्षा दलांना येथे 3-4 दहशतवादी लपल्याची माहिती मिळाली होती, त्यानंतर लष्कराने शोध घेतला आणि दहशतवाद्यांनी गोळीबार केला. प्रत्युत्तरादाखल पॅरा स्पेशल फोर्सचे 4 जवान जखमी झाले. नायब सुभेदार राकेश कुमार यांचा उपचारादरम्यान मृत्यू झाला. सोपोरमध्ये 3 दिवसांत 3 चकमक, 3 दहशतवादी ठार केल्याची माहिती आहे. नोव्हेंबरच्या 13 दिवसांत सुरक्षा दलांनी 8 दहशतवाद्यांचा खात्मा केला आहे.

सोपोरमध्ये 8 नोव्हेंबरला दोन दहशतवादी मारले गेले आणि 9 नोव्हेंबरला एक दहशतवादी मारला गेला. या भागात सुरक्षा दल हाय अलर्टवर आहे. 10 नोव्हेंबर रोजी किश्तवाडमध्ये झालेल्या चकमकीत एक जवान शहीद झाला होता. केशवानच्या जंगलात 3-4 दहशतवादी लपल्याच्या वृत्तावरून सुरक्षा दलांनी शोध मोहीम सुरू होती.

या चकमकीत दुसरे पॅरा एसएफचे सैनिक नायब सुभेदार राकेश कुमार शहीद झाले. 9 नोव्हेंबर रोजी रामपूरच्या जंगलात 2-3 दहशतवादी लपून बसल्याची माहिती मिळाली होती. तेव्हापासून सुरक्षा दलांची संयुक्त शोध मोहीम सुरू आहे. दरम्यान, दहशतवाद्यांनी सुरक्षा दलांवर गोळीबार केला. प्रत्युत्तरादाखल केलेल्या गोळीबारात एक दहशतवादी ठार झाला आहे.