Delhi: दिल्लीमध्ये मद्यपान करण्याचे कायदेशीर वय असेल 21 वर्षे; राजधानीत नवीन Liquor Shop उघडणार नाही

दिल्लीच्या (Delhi) एक्साईड पॉलिसीमध्ये केजरीवाल सरकारने अनेक महत्त्वपूर्ण बदल केले आहेत. त्याअंतर्गत राजधानीतील कायदेशीर नसलेली दारूची दुकाने बंद (Liquor Shops) ठेवण्यात येणार आहेत. यासह दारूच्या दुकानांसाठी नवीन नियम जाहीर केले जातील. दिल्ली सरकारच्या या निर्णयामुळे राज्यात दारूची अवैध तस्करी बंद होईल. तसेच दिल्लीत दारू पिण्याचे कायदेशीर वय आता 21 वर्षे असेल. राज्याचे उपमुख्यमंत्री मनीष सिसोदिया यांनी सोमवारी याची घोषणा केली. त्यांनी असेही म्हटले की यापेक्षा कमी वयाच्या अशा ठिकाणी प्रवेश करण्याची परवानगी दिली जाणार नाही, जेथे दारू दिली जाते. याशिवाय राष्ट्रीय राजधानीत नवीन दारूची दुकाने उघडली जाणार नाहीत, असेही त्यांनी सांगितले.

यासह केजरीवाल सरकार नकली दारू संपवण्यासाठी दिल्लीत भारतातील पहिले आंतरराष्ट्रीय स्तरीय तपासणी लेन तयार करणार आहे. उपमुख्यमंत्री मनीष सिसोदिया यांनी पत्रकार परिषदेत याबाबत माहिती दिली. सिसोदिया म्हणाले की दिल्लीमध्ये 20 टक्के ओव्हर सर्व्ह्ड आहे, जिथे प्रत्येक गल्लीत अनेक दुकाने असतात. अशी अनेक मॉल्स आहेत जिथे 8-10 दारूची दुकाने आहेत. 850 दुकानांपैकी निम्मी दुकाने 45 वॉर्डांत आहेत. 50 टक्के महसूल प्रभाग 46 मधून येत आहे. म्हणजेच इतर भागात चोरी केली जात आहे.

गेल्या दोन वर्षांत दिल्लीत अवैध दारूच्या 7 लाख 9 हजार बाटल्या जप्त केल्या आहेत. ज्यावर पोलिसांनी 1864 एफआयआर नोंदवून 1939 लोकांना अटक केली आहे. त्याचवेळी पोलिसांनी एक हजार वाहनेही जप्त केली आहेत. पोलिसांना 2000 अवैध दारू माफिया अवैधरीत्या कार्यरत असल्याचे आढळले आहे. उत्पादन शुल्क धोरणात बदल केल्याने दारूची तस्करी थांबेल, असा दावा उपमुख्यमंत्री मनीष सिसोदिया यांनी केला आहे. त्यांचा दावा आहे की यामुळे सरकारच्या महसुलात 20% म्हणजे दोन हजार कोटी रुपयांपर्यंत वाढ होऊ शकते. दिल्लीत नवीन उत्पादन शुल्क धोरण आल्यानंतर मुख्यमंत्री अरविंद केजरीवाल यांनी त्याचे कौतुक केले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)