Rahul Gandhi | (Photo Credit- Bharat Jodo Yatra)

Bharat Dojo Yatra Coming Soon: काँग्रेस नेते राहुल गांधी (Rahul Gandhi) यांनी गुरुवारी (29 ऑगस्ट) मार्शल आर्टचा व्हिडिओ शेअर केला. हा व्हिडिओ या वर्षीच्या भारत जोडो यात्रेचा आहे, ज्यामध्ये ते एका शिबिरात मुलांना मार्शल आर्ट शिकवताना दिसत आहेत. या व्हिडिओसोबत त्यांनी लिहिले आहे की, 'भारत डोजो यात्रा' लवकरच येत आहे’. डोजो म्हणजे ट्रेनिंग हॉल किंवा मार्शल आर्ट स्कूल. राष्ट्रीय क्रीडा दिनानिमित्त राहुल गांधी यांनी हा व्हिडिओ सोशल मीडिया प्लॅटफॉर्म X वर शेअर केला आहे.

राहुल गांधी यावर्षी जानेवारी-मार्च दरम्यान भारत जोडो न्याय यात्रेदरम्यान जवळजवळ दररोज मार्शल आर्टचा सराव करत होते. यावेळी त्यांनी मुलांना प्रशिक्षणही दिले. यासाठी जिथे जिथे यात्रा निघाली तिथे शिबिरे लावून मुलांना प्रशिक्षण देण्यात आले. राष्ट्रीय क्रीडा दिनानिमित्त राहु यांनी न्याय यात्रेचा व्हिडीओ जारी केला असून, येत्या काही दिवसांत अशी आणखी सराव शिबिरे आयोजित करणार असल्याची घोषणा केली आहे, जिथे मुलांना मार्शल आर्टचे प्रशिक्षण दिले जाईल.

व्हिडिओ शेअर करताना राहुल गांधी म्हणाले, ‘भारत जोडो न्याय यात्रेदरम्यान, आम्ही हजारो किलोमीटरचा प्रवास करत असताना, आमच्या शिबिराच्या ठिकाणी दररोज संध्याकाळी जिउ-जित्सूचा सराव करण्याचा आमचा नित्यक्रम होता. तंदुरुस्त राहण्याचा एक सोपा मार्ग म्हणून ही बाब सुरु झाली, परंतु आम्ही ज्या गावांमध्ये राहिलो त्या शहरांतील सहकारी यात्री आणि तरुण मार्शल आर्ट्स विद्यार्थ्यांना एकत्र आणून, ते एका सामुदायिक क्रियाकलापात त्वरीत विकसित झाले.’ (हेही वाचा: झारखंडचे माजी मुख्यमंत्री चंपाई सोरेन 30 ऑगस्ट रोजी मुलगा बाबुलालसह भाजपमध्ये प्रवेश करणार)

पुन्हा सुरु होणार भारत जोडो यात्रा?

ते पुढे म्हणाले, ‘या तरुण मनांना ध्यान, जिउ-जित्सू, आयकिडो आणि अहिंसक संघर्ष निराकरण तंत्रांचे सुसंवादी मिश्रण म्हणजेच ‘जेंटल आर्ट’च्या सौंदर्याची ओळख करून देणे हे आमचे ध्येय होते. हिंसेचे सौम्यतेमध्ये रूपांतर करण्याचे मूल्य त्यांच्यामध्ये रुजवणे, त्यांना अधिक दयाळू आणि सुरक्षित समाज निर्माण करण्यासाठी साधने देणे हे आमचे उद्दिष्ट आहे. या राष्ट्रीय क्रीडा दिनानिमित्त, मला आमचा अनुभव तुम्हा सर्वांसोबत सामायिक करायचा आहे, जेणेकरून तुमच्यापैकी काहींना ‘जेंटल आर्ट’चा सराव करण्यासाठी प्रेरणा मिळेल.

P.S.: भारत डोजो यात्रा लवकरच येत आहे.’

दरम्यान, राहुल गांधी यांनी 2022 मध्ये भारत जोडो यात्रा सुरू केली होती. त्यांनी सुमारे 150 दिवस पायी प्रवास केला होता, ज्यामध्ये अनेक लोक त्यांच्यासोबत होते. त्यांनी कन्याकुमारी ते काश्मीर आणि मणिपूर ते गुजरात असा भारतभर प्रवास केला. विधानसभा निवडणुकीत या भेटीचा त्यांना फारसा फायदा झाला नसला तरी. पण लोकसभा निवडणुकीत राहुल गांधींना भारत जोडो यात्रेचा चांगलाच फायदा झाला.