Amrit Bharat Express Trains: वंदे भारतनंतर आता देशाला मिळणार कमी बजेटची 'अमृत भारत एक्सप्रेस ट्रेन'; PM Narendra Modi 30 डिसेंबर रोजी दाखवणार हिरवा झेंडा
भगव्या रंगाच्या अमृत भारत एक्सप्रेस ट्रेनमध्ये अनेक उत्तम फीचर्स आहेत. पुश-पुल तंत्रज्ञान असलेली ही ट्रेन आहे, जी खूप लवकर वेग पकडते. या ट्रेनच्या दोन्ही बाजूला इंजिन आहेत. या ट्रेनमध्ये 22 डबे आहेत.
Amrit Bharat Express Trains: मोदी सरकार रेल्वे नेटवर्कवर वेगाने काम करत आहे. वंदे भारत हे त्याचे सर्वात मोठे उदाहरण आहे. पांढऱ्या आणि निळ्या रंगाची ही ट्रेन वेग आणि सुविधांमुळे खूप पसंत केली जात आहे. मात्र, त्याचे भाडे एक्स्प्रेस गाड्यांपेक्षा जास्त आहे. पण आता भारतीय रेल्वेने वंदे भारत सारख्या वेगवान पण भाडे कमी असलेल्या नवीन गाड्या आणल्या आहेत. हायस्पीड ट्रेन वंदे भारत नंतर आता देशाला अमृत भारत एक्सप्रेस (Amrit Bharat Express Trains) मिळणार आहे. याची सुरुवात बिहारमधील दरभंगा शहर आणि पश्चिम बंगालमधील मालदा शहरातून होईल.
केंद्रीय रेल्वे मंत्री अश्विनी वैष्णव यांनी सांगितले की, वंदे भारत नंतर अमृत भारत एक्सप्रेस पुश-पुल तंत्रज्ञानावर तयार करण्यात आली आहे. वंदे भारत ट्रेन आणि अमृत भारत ट्रेनचा वेग सारखाच असेल. या नवीन गाड्या ताशी 130 किलोमीटर वेगाने धावतील.
पंतप्रधान मोदी 30 डिसेंबर रोजी पहिल्या अमृत भारत एक्सप्रेसला हिरवा झेंडा दाखवणार आहेत. ही अमृत भारत एक्सप्रेस अयोध्येला सीता मातेचे जन्मस्थान असलेल्या बिहारमधील सीतामढीशी जोडेल. या ट्रेनचा मार्ग बिहारमधील दरभंगा ते दिल्लीमार्गे अयोध्या असा असेल. पीएम मोदी 30 डिसेंबरलाच दुसर्या अमृत भारत एक्सप्रेसलाही हिरवा झेंडा दाखवतील. ही ट्रेन मालदा ते बेंगळुरूला जाणार आहे. याशिवाय पंतप्रधान मोदी 5 नवीन वंदे भारत ट्रेनला हिरवा झेंडा दाखवतील. (हेही वाचा: Thane Child Malnutrition: ठाण्यात समोर आली बालकांमधील कुपोषणाची 1000 प्रकरणे)
भगव्या रंगाच्या अमृत भारत एक्सप्रेस ट्रेनमध्ये अनेक उत्तम फीचर्स आहेत. पुश-पुल तंत्रज्ञान असलेली ही ट्रेन आहे, जी खूप लवकर वेग पकडते. या ट्रेनच्या दोन्ही बाजूला इंजिन आहेत. या ट्रेनमध्ये 22 डबे आहेत. या ट्रेनमध्ये एसी कोच नाहीत. रेल्वेच्या योजनेनुसार या ट्रेनमध्ये फक्त द्वितीय श्रेणीचे स्लीपर कोच आणि द्वितीय श्रेणी किंवा सामान्य डबे आहेत. या डब्यातील प्रवासाचे भाडे एसी वर्गापेक्षा खूपच कमी आहे. अमृत भारत ट्रेनमध्ये 8 सामान्य द्वितीय श्रेणीचे डबे असतील, ते अनारक्षित प्रवाशांसाठी असतील. 12 द्वितीय श्रेणीचे 3-स्तरीय स्लीपर कोच आणि 2 गार्ड कंपार्टमेंट असतील.
या ट्रेनमध्ये एकूण 1800 प्रवासी प्रवास करू शकतील. ट्रेनमधील सुविधा वंदे भारतसारख्या आधुनिक आहेत. या ट्रेनमध्ये प्रवाशांना सीसीटीव्ही कॅमेरे, आधुनिक टॉयलेट्स, सेन्सर पाण्याचे नळ मिळणार आहेत. अल्प उत्पन्न गटातील लोकांना डोळ्यासमोर ठेवून रेल्वेने या गाड्या बनवल्या आहेत, त्यामुळे त्याचे भाडे कमी ठेवण्यात आले आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)