Bomb Threat: मोठी बातमी! शाळा, फ्लाइटनंतर आता तिरुपतीमधील तीन हॉटेलांना बॉम्बने उडवण्याची धमकी

Bomb Threat: आंध्र प्रदेशातील (Andhra Pradesh) तिरुपती (Tirupati) येथील मंदिरातील तीन हॉटेलांना ईमेलद्वारे बॉम्बच्या धमक्या (Bomb Threat) मिळाल्या आहेत. स्थानिक अधिकाऱ्यांनी तत्काळ कारवाई करत स्निफर कुत्र्यांसह, आस्थापनांचा कसून शोध घेतला. तपासानंतर हॉटेल्समध्ये कोणतीही संशयास्पद वस्तू आढळून आली नाही. या धमक्या फसव्या असल्याची पुष्टी झाली आहे.

तिरुपती पूर्व पोलिस ठाण्याचे सर्कल इन्स्पेक्टर श्रीनिवासुलू यांनी सांगितले की, तीन हॉटेल्सना बॉम्बच्या धमकीचे अलर्ट मिळाले आहेत. ईमेल संदर्भात एफआयआर नोंदवण्यात आला आहे. या प्रकरणाचा विविध अंगाने तपास केला जात आहे. आम्ही लवकरच दोषींना शोधून काढू, आणि तपास पूर्ण झाल्यानंतर ईमेलच्या मागे असलेल्यांची ओळख पटवली जाईल. (हेही वाचा -Bomb Threats To 85 Flights: मोठी बातमी! देशभरातील 85 फ्लाइट्सना बॉम्बच्या धमक्या; सुरक्षा यंत्रणा हाय अलर्टवर)

प्राप्त माहितीनुसार, बुधवारी संध्याकाळी लीला महल, कपिल थर्थम आणि अलीपिरी या तीन खासगी हॉटेल्सना धमकीचे ईमेल पाठवण्यात आले. जाफर सादिकच्या अटकेमुळे आंतरराष्ट्रीय दबाव वाढला असल्याचा दावा संदेशात करण्यात आला आहे. (Indigo's Pune-Jodhpur Flight Receives Bomb Threat: इंडिगोच्या पुणे-जोधपूर फ्लाइटला बॉम्बची धमकी; जोधपूर विमानतळावर करण्यात आले आपत्कालीन लँडिंग)

तिरुपतीमधील तीन हॉटेलांना बॉम्बने उडवण्याची धमकी -

तामिळनाडूमध्ये अंमली पदार्थांच्या तस्करीमध्ये सहभागी असल्याबद्दल द्रमुकचा माजी कार्यकर्ता जाफर सिद्दिकीला फेब्रुवारीमध्ये अटक करण्यात आली होती. या भागातील सार्वजनिक सुरक्षा आणि सुव्यवस्था सुनिश्चित करण्यासाठी अधिकारी सध्या या धोक्याच्या स्रोताचा तपास करत आहेत.