Coronavirus: पुणे शहरात आज दिवसभरात 387 जणांना कोरोनाची लागण; 7 जानेवारी 2021 च्या ताज्या मराठी बातम्या आणि ब्रेकिंग न्यूज LIVE

पुणे शहरातील एकूण कोरोना व्हायरस संक्रमितांची आतापर्यंतची संख्या 1, 80,674 इतकी झाली आहे. त्यातील 4,663 जणांचा मृत्यू झाला आहे. तर सुमारे 1,73,333 जणांना कोरोनामुक्त झाल्याने डिस्चार्ज देण्यात आला आहे. आज दिवसभरात 387 जणांना कोरोनाची लागण झाल्याचे आढळून आले. तिघांचा मृत्यू झाल्याची माहिती पुणे महापालिकेने दिली आहे.

पिंपरी चिंचवड शहरातील एकूण कोरोना व्हायरस संक्रमितांची संख्या 97, 442 इतकी झाली आहे. त्यापैकी 93, 997 जणांनाआतापर्यंत डिस्चार्ज देण्यत आला आहे. आज दिवसभरात 150 जण कोरोना व्हायरस संक्रमित आढळून आले. तर 91 जणांना डिस्चार्ज देण्यात आला. पिंपरी चिंचवड महापालिकेने दिलेल्या माहितीनुसार शहरात सध्या 639 कोरोना व्हायरस संक्रमित रुग्णांवर उपचार सुरु आहेत.

सर्वसामान्यांशी पुन्हा संपर्क करत मुंबई महापालिकेने नो कोरोना म्हणत MissionZero सुरु केले आहे. बीएमसीच्या अधिकृत ट्विटर हँडलवर याबाबत माहिती देण्यात आली आहे.

केंद्रीय आरोग्य मंत्रालयाशी आमची बैठक झाली. या बैठकीत आम्ही आग्रह धरला की कोविड लसीकरण मोहीम भारत सरकारने प्रायोजित केली पाहिजे. तसेच, एका कंपनीला एकच राज्य देण्यात यावे, अशी मागणी आम्ही केंद्राकडे केल्याचे आरोग्यमंत्री राजेश टोपे यांनी दिली.

पायउतार होणारे अमेरिकेचे राष्ट्राध्यक्ष डोनाल्ड ट्रम्प यांच्या फेसबुक आणि इन्स्टाग्राम अकाउंटवरील ब्लॉक फेसबुकने अनिश्चित काळासाठी वाढवून त्यामध्ये किमान पुढील दोन आठवड्यांची वाढ केली आहे.

जम्मू आणि काश्मीर सरकारने शेजारच्या राज्यांमध्ये बर्ड फ्लूचा प्रसार पाहता 14 जानेवारी 2021 पर्यंत कोणत्याही उद्देशाने जम्मू-काश्मीरच्या केंद्रशासित प्रदेशात कोणत्याही हेतूने कुक्कुट मांसासह सजीव पक्ष्यांच्या आयातीवर पूर्ण बंदी घातली आहे.

तामिळनाडू: चेन्नई एअर कस्टमने दुबई / शारजाह विमानातून 72.72२ किलो सोने जप्त केले. एका महिला प्रवाशाला चॉकलेट रॅपरमधून 660 ग्रॅम सोने लपवल्याप्रकरणी अटक करण्यात आली आहे. सर्व सोन्याची किंमत सुमारे 1.97 कोटी रुपये इतकी असल्याचे सांगण्यात येत आहे.

महाराष्ट्र: लष्करप्रमुख जनरल एम.एम. नरवणे हे तीन दिवसांच्या दक्षिण कमांडच्या मुख्यालयाच्या दौर्‍यावर पुण्यात दाखल झाले आहेत. ऑपरेशनल सज्जता, कोविड दरम्यान देण्यात येणारी मदत, पूरमुक्ती आणि सैन्याच्या जीवनाची गुणवत्ता सुधारण्यासाठी घेतलेल्या पुढाकारांचा आढावा त्यांनी घेतला.

नवा कोरोना व्हायरस स्ट्रेन संक्रमित रुग्णांची महाराष्ट्रातील संख्या वाढली. आज नवे 3 रुग्ण आढळले असून, तीन्ही रुग्ण पिंपरी चिंचवड येथील असल्याचे वृत्त आहे.

महाराष्ट्र राज्यात आज 3729 कोरोना बाधीत रुग्णांची वाढ झाली व आज नवीन 3350 कोरोना बाधित रुग्ण बरे झाले आहेत. एकूण 1856109 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 51,111 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 94.78% झाले आहे.

भारतामध्ये प्रथमच एअर इंडिया एक्सप्रेसने विमानाच्या अंतर्भागांची स्वच्छता आणि निर्जंतुकीकरण करण्यासाठी रोबोटिक तंत्रज्ञान सुरू केले.

दिल्लीत एनआयए कोर्टाने दहशतवादी कारवायांचे नियोजन केल्याच्या आरोपाखाली ISIS च्या एका कार्यकर्त्याला 7 वर्षांची शिक्षा ठोठावली. त्याला नुकतेच कोर्टाने आयपीसी आणि बेकायदेशीर क्रियाकलाप (प्रतिबंध) कायद्याच्या आरोपाखाली दोषी ठरवले होते.

JEE Advanced 2021 परीक्षा 3 जुलै 2021 रोजी घेण्यात येणार आहे. परीक्षा आयआयटी खडगपूर घेईल. शिक्षणमंत्री रमेश पोखरीयल निशंक यांनी ही माहिती दिली.

2019-20 मधील 4.2% वाढीच्या तुलनेत, 2020-21 मध्ये जीडीपीमध्ये 7.7 टक्क्यांनी घट होण्याची शक्यता आहे. सांख्यिकी व कार्यक्रम अंमलबजावणी मंत्रालयाने ही माहिती दिली आहे.

दक्षिण कन्नड जिल्ह्यात सहा कावळ्यांचा मृत्यू झाला आहे. त्यांचे नमुने तपासणीसाठी पाठविण्यात आले आहेत. बर्ड फ्लू रोखण्यासाठी सीमावर्ती जिल्ह्यांमध्ये खबरदारीचा उपाययोजना करण्यात आल्या आहेत. कर्नाटकचे आरोग्यमंत्री डॉ. के. सुधाकर यांनी ही माहिती दिली.

रिया चक्रवर्ती यांनी दाखल केलेल्या एफआयआर रद्द करण्याच्या मागणीसाठी त्यांच्या बहिणींनी दाखल केलेल्या अर्जावर मुंबई उच्च न्यायालयाने हा आदेश राखून ठेवला आहे. कोर्टाने सर्व पक्षांना एका आठवड्यात लेखी सबमिशन दाखल करण्यास सांगितले.

भारतामध्ये आगामी कोविड 19 लसीकरणाच्या पार्श्वभूमीवर WHO च्या टीमने गुरूग्राम येथील लसीकरण केंद्राला दिली भेट आहे. तेथील तयारीचा त्यांनी आढावा घेतला.

Bharat Biotech कडून COVAXIN च्या तिसर्‍या टप्प्यातील मानवी चाचणी साठी नोंदणी पूर्ण झाल्याची माहिती देण्यात आली आहे.

केंद्राने युके साठीच्या विमानसेवा येत्या 31 जानेवारी पर्यंत बंद ठेवावी अशी विनंती मुख्यमंत्री अरविंद केजरीवाल यांनी सरकारला सरकारला केली आहे.

Dilip Chhabria's alleged cheating and forgery case प्रकरणी कपिल शर्मा याला साक्षीदार म्हणून जबाब नोंदवण्यासाठी मुंबई पोलिसांनी बोलावले आहे.