मुंबईमध्ये आज कोरोना विषाणूच्या 862 रुग्णांची नोंद, एकूण रुग्णांची संख्या 1,21,027 वर; 7 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

आज मुंबईमध्ये कोरोना विषाणूच्या 862 रुग्णांची नोंद झाली आहे. यासह एकूण रुग्णांची संख्या 1,21,027 वर पोहोचली आहे. आज 45 रुग्णांचा मृत्यू झाला असून आतापर्यंत एकूण 6,690 रुग्णांचा मृत्यू झाला आहे.

राज्य अधिकाऱ्यांनी दिलेल्या ताज्या माहितीनुसार केरळ येथे झालेल्या एअर इंडिया अपघाताबाबत   शोध आणि बचाव कार्य आता पूर्ण झाले असून, सर्व जखमींना विविध रुग्णालयात हलविण्यात आले आहे. एअर इंडिया दुबई हेल्पलाईन +97142079444 हा आहे.

केरळ येथील कोझिकोडमध्ये झालेल्या एअर इंडियाच्या विमान अपघातात 14 मृत्यू, 123 जखमी आणि 15 गंभीर जखमी झाल्याची माहिती मल्लपुरम एसपी यांनी एएनआय दिली.

केरळ विमान अपघाताचे वृत्त समलजे. धक्का बसला. अपघातात मृत्यू झालेल्यांना श्रद्धांजली. अपघातात जखमी झालेल्यांना लवकर बरे होण्यासाठी प्रार्थना, अशा शब्दांत काँग्रेस नेते राहुल गांधी यांनी आपल्या भावना व्यक्त केल्या आहेत.

कोझिकोडे मधील एअर इंडियाच्या विमान अपघात प्रकरणी पंतप्रधान नरेंद्र मोदी यांनी भावना व्यक्त केल्या आहेत.

कोझिकोडे मधील एअर इंडियाच्या विमान अपघात प्रकरणी काही प्रवासी जखमी तर काही जण बेशुद्ध पडले असून एनडीआरएफचे पथक घटनास्थळी दाखल झाल्याचे NDRF डीजी एसएन प्रधान यांनी म्हटले आहे.

कोझिकोडे मधील विमान अपघात प्रकरणी एअर इंडियाकडून दिलगिरी व्यक्त पण वंदे भारत मिशन सुरुच राहणार असल्याचे सांगण्यात आले आहे.

कोझिकोडे मधील एअर इंडियाच्या विमान अपघाताप्रकरणी NDRF चे पथक घटनास्थळी दाखल झाले आहे.

कोझिकोडे मधील एअर इंडियाच्या विमान अपघाताप्रकरणी शारजाह आणि दुबईत मदत केंद्रे सुरु करण्यात आली आहे.

कोझिकोडे येथील विमान अपघाताप्रकरणी जिल्हाधिकाऱ्यांनी प्रवाश्यांच्या नातेवाईकांनी 0495 - 2376901 या हेल्पलाईन क्रमांकावर संपर्क साधण्याचे आवाहन केले आहे.

पंतप्रधान नरेंद्र मोदी यांनी केरळचे मुख्यमंत्री पिनराई विजयन यांच्यासोबत कोझिकोडे विमान अपघातप्रकरणी फोनवरुन केली चर्चा केली आहे.

कोझिकोडे मधील एअर इंडियाच्या विमानाच्या अपघाताप्रकरणी भारताचे संयुक्त अरब अमिरातीमधील पवन कुमार यांनीभावना व्यक्त केल्या आहेत. 

कोझिकोडे येथे एअर इंडियाचे विमान लॅन्डिंग करताना घसरल्याच्या घटनेप्रकरणी सुब्रमण्यम जयशंकर यांनी आपल्या भावना व्यक्त केल्या आहेत.

केरळ: कोझिकोड येथे एअर इंडियाच्या एक्सप्रेस विमान अपघाताप्रकरणी गृहमंत्री अमित शहा यांनी दु:ख व्यक्त केले आहे. तर NDRF ला लवकरात लवकर घटनास्थळी पोहचण्यासह बचाव कार्य करण्याची सुचना सुद्धा दिल्याची माहिती अमित शहा यांनी दिली आहे.

दुबई ते कॅलिकटकडे जाणारे एअर इंडिया चे विमान क्रमांक IX 1344 धावपट्टीवरून घसरले. त्यानंतर आता दुबई येथील भारतीय वाणिज्य दूतावासाकडून हेल्पलाईन क्रमांत जारी करण्यात आला आहे. तो पुढील प्रमाणे - 056 546 3903, 0543090572, 0543090572, 0543090575

दुबई येथून केरळात दाखल झालेले Air India Express Flight No IX 1344 हे विमान लॅन्डिंग करताना घसरल्याची घटना घडली आहे.

केरळात एअर इंडियाच्या विमानाला अपघात झाला असता त्यात 174 प्रवासी, 10 लहान मुले, 2 पायलट्स आणि 5 कॅबिन क्रु होते.

सुशांत सिंह राजपूत याच्या आत्महत्येप्रकरणी चौकशीसाठी पोहचलेली रिया चक्रवर्ती ED ऑफिस बाहेर पडली आहे.

केरळ: कोझीकोडच्या करिपुर विमानतळावर लॅन्डिंग करताना एअर इंडियाचे विमान घसरले  आहे.

मुंबईकरांसाठी दिलासादाक बातमी, आज 862 कोरोनाचे रुग्ण आढळून आले असून 136 जणांची प्रकृती सुधारली  आहे.